زينة : الناس بتقولى إنت أشيك ممثلة فى مصر
![زينة](/UploadCache/libfiles/3/8/600x338o/848.png)
حلت زينة ضيفة على برنامج Look Show، الذي تقدمه نهلة طاهر، على خبر أبيض TV، وتحدثت عن علاقتها بالموضة وسبب حبها لها، وقالت زينة : أنا بحب اللبس جداً، وده ساعدني في بدايتي، والناس دايماً بيقولوا لي إنت أشيك ممثلة في مصر.
زمان كنت مهتمة بالموضة
وتابعت : زمان كنت مهتمة بالموضة جدًا وبتابعها على طول، ودلوقتي بشوف ناس كتير بيعملوا كده برضه، وبقوا بيلبسوا كويس وعندهم حاجات متطورة، لكن أنا بيعجبني لبسي وعندي ثقة في ذوقي بشكل غير طبيعي، ولبسي مش غالي خالص، لكن عندي برضه حاجات غالية.
شاهد الحلقة …
وأضافت : مؤخرا فيه فستان عندي قلب السوشيال ميديا، رغم إني لبسته أول مرة في 2008، لكن وقتها ماكنش فيه سوشيال ميديا والصفحات زي دلوقتي، وعندي حاجات من 2007 بلبسها، وبكرر لبسي عادي جدا لأنه غالي، وماما دايما بتقولي طلعي لبسك ووزعيه، لكن أنا بحب هدومي جدا ومرتبطة بيها، ودي طبيعة برج الدلو اللي بيرتبط بأي حاجة وبيتعلق بيها.
زينة في رمضان 2024
وحققت زينة نجاحًا كبيرًا في موسم دراما رمضان الأخير 2024، بمسلسل العتاولة، الذي قدمت بطولته مع أحمد السقا، ودارت أحداثه في إطار أكشن شعبي تشويقي.
شاهد الفيديو …
العتاولة يدور في إطار شعبي تشويقي أكشن، يظهر خلاله السقا بدور حرامي وفتاح خزن محترف، ويعمل مع شقيقه الأكبر طارق لطفي، ويعيش السقا قصة حب مع حنة الشخصية التي قدمتها زينة ضمن الأحداث والتي تقع في مدينة الإسكندرية.
العتاولة مكون من 30 حلقة، عُرض على قنوات mbc ومنصة شاهد، ومن بطولة أحمد السقا، زينة، طارق لطفي، مي كساب، باسم سمرة، صلاح عبدالله، فريدة سيف النصر، ميمي جمال، نهى عابدين، هدى الإتربي، مصطفى أبو سريع، مريم محمود الجندي، وأحمد كشك، ومن تأليف هشام هلال وإخراج أحمد خالد موسى وإنتاج شركة Cedars Art Production.
فيلم الإسكندراني
كما عُرض لـ زينة الفترة الماضية بالسينمات فيلم الإسكندراني، الذي قدمت بطولته مع أحمد العوضي، بمشاركة عدد كبير من النجوم، والعمل من تأليف الراحل أسامة أنور عكاشة وإخراج خالد يوسف، ودارت أحداثه في إطار أكشن تشويقي مثير.