أول مرة .. زينة تكشف قصة الفستان الأزمة وحكاية أغلى شنطة فى دولابها
![زينة](/UploadCache/libfiles/3/8/600x338o/847.png)
حلت زينة ضيفة على برنامج Look Show، الذي تقدمه نهلة طاهر، على خبر أبيض TV، وكشفت قصة الفستان الأزمة وحكاية أغلى شنطة فى دولابها، وقالت في تصريح خاص : الفستان ده كنت واخداه من واحدة صاحبتي، وأنا عندي حاجات غالية جداً، لكن ده أخدته منها وهي متربية معايا، وكنت رايحة السعودية أحضر عرض خاص.
شاهد الحلقة …
وتابعت : كنت عايزة حاجة مقفولة وماكنش عندي وقت أشتري حاجة، وكنت مشغولة في التصوير ورايحة بعدها دبي، ومنها للسعودية، وكان في دماغي وقتها مواصفات معينة، وهي وقتها قالت لي كل مواصفاتك دي عندي في فستان، وإحنا مقاسنا واحد.
وأضافت : زمان كان ممكن أجري أشتري بفلوسي كلها فستان، إنما دلوقتي لأ، خاصة في الظروف اللي إحنا فيها، زمان وأنا صغيرة كنت بحب أشتري كل حاجة، لكن أنا أهلي عودوني إني ماجيبش حاجة ليا بس، يعني لما أشتري شنطة غالية، كنت بوزع نص تمنها على الناس الغلابة، علشان كنت بحس بذنب وعقدة توجع لي ضميري، وده كان بيريحني.
زينة في رمضان 2024
ومن ناحية أخرى، حققت زينة نجاحًا كبيرًا في موسم دراما رمضان الأخير 2024، بمسلسل العتاولة، الذي قدمت بطولته مع أحمد السقا، ودارت أحداثه في إطار أكشن شعبي تشويقي.
العتاولة يدور في إطار شعبي تشويقي أكشن، يظهر خلاله السقا بدور حرامي وفتاح خزن محترف، ويعمل مع شقيقه الأكبر طارق لطفي، ويعيش السقا قصة حب مع حنة الشخصية التي قدمتها زينة ضمن الأحداث والتي تقع في مدينة الإسكندرية.
شاهد الفيديو ..
العتاولة مكون من 30 حلقة، عُرض على قنوات mbc ومنصة شاهد، ومن بطولة أحمد السقا، زينة، طارق لطفي، مي كساب، باسم سمرة، صلاح عبدالله، فريدة سيف النصر، ميمي جمال، نهى عابدين، هدى الإتربي، مصطفى أبو سريع، مريم محمود الجندي، وأحمد كشك، ومن تأليف هشام هلال وإخراج أحمد خالد موسى وإنتاج شركة Cedars Art Production.
فيلم الإسكندراني
كما عُرض لـ زينة الفترة الماضية بالسينمات فيلم الإسكندراني، الذي تقدم بطولته مع أحمد العوضي، بمشاركة عدد كبير من النجوم، والعمل من تأليف الراحل أسامة أنور عكاشة وإخراج خالد يوسف، ودارت أحداثه في إطار أكشن تشويقي مثير.