هنيدي وسعد ورمضان وإمام .. أسرار وتفاصيل محمد في السينما
كشفت ميرنا الغزناوي خلال برنامج يا خبر أبيض الذي تقدمه عبر خبر أبيض TV، عن الأفلام الجديدة التي يتم التحضير لها في الفترة الحالية، وقالت : عدد كبير من الأفلام بيتم التحضير لها في الفترة الحالية، 4 أعمال منها ترتبط بإسم محمد، وكل فيلم من أفلام النجوم الأربعة محطة مهمة في مسيرة كل واحد منهم، بداية من محمد رمضان مروراً بمحمد هنيدي ومحمد سعد وأخيراً محمد إمام.
شاهد الحلقة كاملة ...
الإسترليني
وتابعت : محمد هنيدي بيحضر لفيلم جديد بعنوان الإسترليني، هيبدأ تصويره في المملكة العربية السعودية خلال شهر سبتمبر، وهو العمل اللي بيسعى هنيدي من خلاله للعودة للسينما بشكل يرضي الجمهور، ومن أهم المعلومات عن الفيلم الجديد، إن هيكون مختلف تماماً عن أفلامه السابقة من ناحية الفكرة اللي بتعتمد على الأكشن الكوميدي، وهيشارك هنيدي البطولة النجمة نيللي كريم.
وأضافت : أما محمد إمام فهيقدم فصل جديد من رحلة شمس الزناتي وأصدقائه، وتحديداً خلال فترة شبابهم، من خلال فيلم شمس الزناتي اللى هيجسد فيه محمد إمام دور شمس اللي قدمه والده عادل إمام قبل 23 سنة، في وقت تم الاستقرار على معظم النجوم اللي هيقوموا بدور الأصدقاء في الرحلة الجديدة.
شاهد الفيديو...
أبطال شمس الزناتي
وعن أبطال شمس الزناتي، واصلت : بيقدم طه الدسوقي شخصية سلامة الطفشان الدور المهم والإستثنائي اللي قدمه الراحل محمود الجندي في الفيلم الأول، أما مصطفى غريب فبيقدم شخصية جعيدي اللي سبق وقدمها الفنان الراحل إبراهيم نصر في الفيلم، وبيجسد دور سيد سبرتو أحمد عبدالحميد وهو الدور اللي عمله الراحل مصطفى متولي، وهيقدم أحمد خالد صالح شخصية عبده قرانص اللي قدمها أحمد ماهر، أما الدور النسائي اللي قدمته سوسن بدر من خلال شخصية حنة فهتعيده أسماء جلال في النسخة الجديدة.
فيلم أسد
واختتمت : محمد رمضان بيستعد لفيلمه الجديد أسد، اللي بيدور في إطار من الأكشن التاريخي، وفكرة الفيلم نقطة تحول كبيرة خصوصاً إنها بتركز على فترة ثورة العبيد، في القرن الـ13 الميلادي، وبيقدم محمد رمضان شخصية علي بن محمد الفارسي اللي بيقود ثورة الزنوج ضد الجيش العباسي، أما عن البطلة اللي هتقف قصاد محمد رمضان فهي رازن جمال اللي هتقوم بدور أميرة هتعيش قصة حب مع علي اللي بيجسده محمد رمضان.
واختتمت : أما محمد سعد فبيواصل في الفترة الحالية التحضير لأحدث أفلامه، اللي بيحمل اسم دكتور عدوه، وبيجسد محمد سعد خلال الأحداث شخصية طبيب اسمه سامح، ومن المقرر خلال الفترة الجاية أن يسافر المغرب لتصوير بعض مشاهد العمل هناك.
