سلمى أبو ضيف : كان نفسي أكون مذيعة أخبار وأجلنا فرحنا علشان كنا مشغولين
حلَّت سلمى أبو ضيف ضيفة على برنامج ضيفي مع الإعلامي معتز الدمرداش، المذاع على قناة الشرق، وتحدثت عن عدد من تفاصيل حياتها، وبدايتها الفنية، وسبب تأجيل حفل زفافها.
حلم سلمى أبو ضيف
وتحدثت سلمى أبو ضيف عن أمنيتها الأولى في أن تكون مذيعة، وقالت : من صغري وأهلي بيدعموني في أي خطوة، وكان دايمًا والدي معايا لما بروح أي مكان علشان مابقاش في المواصلات لوحدي، ولما دخلت الكلية، كان نفسي أكون مذيعة أخبار.
وتابعت : وروحت راديو ليوم واحد ولكن نظام الشغل معجبنيش وسيبته، لأن وقتها كنت بشوف محمد هنيدي في فيلم جاءنا البيان التالي، وعجبتني فكرة الشغل، ولكن لقيت الواقع مختلف.
زواج بدون حفل زفاف
وكشفت سلمى أبو ضيف عن سبب زواجها بدون حفل زفاف، وذكرت : قصة حبنا بدأت في دبي علشان الصدفة والنصيب، إحنا إتجوزنا وقلنا لو إن شاء الله الظروف سمحت إننا نعمل فرح هنعمله، وإحنا ماشيين حسب الظروف ولكن هو مشغول وأنا مشغولة.
وواصلت حديثها : كنا عايزين نعمل فرح على طريقة معينة وبنحب بعض، وأيضًا الحفلة ممكن تتعمل في أي وقت، سواء السنة اللي جاية أو اللي بعدها مش فارقة معانا، هي حفلة في الأول والآخر لو ربنا قدرنا وعرفنا نعملها بالشكل اللي عايزينه هنعملها، وفي النهاية الفرح حاجة تقليدية ومش عايزن نصعب الدنيا، لأن الفرح عشان نحتفل ببعض.
أعلى نسبة مشاهدة
من ناحية أخرى، شاركت سلمى أبو ضيف في موسم رمضان الماضي 2024 بمسلسل أعلى نسبة مشاهدة، ويناقش العمل قضايا اجتماعية، حول تأثير السوشيال ميديا على حياتنا والابتزاز الإلكتروني الذي تتعرض له الفتيات وهوسهن بالتيك توك، كما نقل المسلسل أجواء المناطق الشعبية بشكل واقعي.
شخصية سلمى أبو ضيف
وجسدت سلمى أبو ضيف ضمن أحداث العمل شخصية شيماء وهي فتاة شعبية، تتحول إلى إنفلونسر شهيرة بالصدفة بعدما فيديو شاركته شقيقتها نسمة التي لعبت دورها ليلى أحمد زاهر، فيما قدم محمد محمود شخصية والدهما، ولعبت إنتصار دور والدتهما، وتقع سلمى في العديد من الأزمات مع تتابع الأحداث تنتهي بسجنها.
