عمرو ونانسي وياسمين وهنا وعصام عمر وطه دسوقي .. أقوي دويتوهات السينما قريباً
كشفت ميرنا الغزناوي خلال برنامج يا خبر أبيض الذي تقدمه عبر خبر أبيض TV، عن كواليس أحدث دويتوهات النجوم في السينما والتي تم الإعلان عن بدء التحضير لها للفترة المقبلة، والمقرر عرضها قريباً، وقالت : دويتوهات الغناء زمان كانت شادية وعبدالحليم وليلى مراد مراد ومحمد فوزي وفريد الأطرش وصباح، وفي السينما كان فؤاد المهندس وشويكار، وعادل إمام ويسرا.
شاهد الحلقة كاملة ..
وتابعت : واضح إن الزمن هيرجعنا من تاني لمجموعة من الدويتوهات المهمة، بين أكثر من نجم، بعد ما اختف من زمن طويل، والبداية هتكون مع عمرو دياب ونانسي عجرم، اللي هيكونوا أول دويتو غنائي سينمائي، وكمان في انتظار لقاء استثنائي هيجمع هنا الزاهد لأول مرة مع ياسمين صبري، غير دويتو سينمائي تاني مع عصام عمر وطه دسوقي.
وأضافت : المستشار تركي آل الشيخ كشف عن اجتماع عمرو دياب ونانسي عجرم في فيلم سينمائي واحد، علشان يشكل الثنائي أول دويتو غنائي في السينما من سنين طويلة، وكشفت نانسي عجرم عن بعض المعلومات عن الفيلم أهمها إن مفيش لهجة محددة هتسيطر عليه، وانه هيكون بين المصرية واللبنانية، وإنها سعيدة بالتعاون مع الهضبة، اللي كان رحب بالعودة للسينما خلال حضوره حفل افتتاح فيلم ولاد رزق 3 في السعودية، واتكلم على إن الإنتاج الضخم اللي اتوفر للفيلم فتح نفسه على إنه يرجع للتمثيل.
شاهد الفيديو ..
وقالت ميرنا : أما عن الدويتو التاني والمنتظر في الفترة الجاية، هيكون لياسمين صبري وهنا الزاهد، من خلال فيلم السلايف اللي هيقوم بإخراجه معتز التوني، في أول بطولة مشتركة تجمع الثنائي، اللي متوقع إنهم يكونوا دويتو غير عادي، بسبب حجم نجاح هنا وياسمين في السينما والدراما في السنين اللي فاتت.
واختتمت : الدويتو الثالث بياخدنا بعيداً عن الغنى والدراما، وبيركز في الكوميديا الإجتماعية من خلال ثنائية عصام عمر وطه الدسوقي في فيلمهم الجديد سيكو سيكو، اللي ابتدا تصويره من فترة، وهو من تأليف محمد الدباح، وإخراج عمر المهندس، ومن إنتاج الشركة المتحدة للإنتاج السينمائي وفيلم سكوير، ويظهر عصام خلال أحداث الفيلم بدور موظف في شركة شحن، أما طه الدسوقي فيقدم دور Gamer.
