نهلة طاهر توضح .. شعرك في الصيف علي طريقة ياسمين صبري
كشفت نهلة طاهر خلال برنامج Look Show، الذي يُعرض عبر خبر أبيض TV، عن اللوكات الجديدة للشعر، وتحدثت بالتحديد عن ياسمين صبري، أيقونة الموضة والجمال في العالم العربي، وكذلك أيقونة الموضة فيما يخص الشعر الصحي.
وقالت نهلة : ياسمين صبري بتحب تبرز جمالها، علشان كده بنشوفها بـ لوكات كتير مختلفة وفي نفس الوقت بسيطة، وبتبعد دايمًا عن الأسلوب الكلاسيكي في شعرها، وبتنوع ألوانه ما بين الأسود والبني، ومن أبرزها تسريحة الشعر الويفي العريض مع الضفاير، وكمان تسريحة هاي بان، والضفيرة الطويلة اللي سهلة على كل البنات وممكن ينفذوها كتير في الصيف.
شاهد الحلقة الكاملة …
وتابعت : ومن أسهل وأحلى التسريحات اللي معظم الوقت بتعتمدها ياسمين صبري ومش بتروح موضتها خالص هي تسريحة الويفي الواسع، وبتكون القُصة فيها على الجنب، أما آخر تسريحة فهي سليك بوني تيل ودي اللي بتعتمدها ياسمين كتير في اللوكات بتاعتها، لأن موضتها مش بتروح وسهل البنات يعملوها في الصيف.
موضة 2024
وتحدثت نهلة طاهر في حلقة ماضية عن الموضة التي انتهت في 2024، وقالت : لما نتكلم عن الموضة اللي انتهت في 2024، أول حاجة هتيجي في بالنا الـ سكيني جينز، وده مبقاش حلو إن البنات تلبسه لأنه بيخلي شكل اللوك غير مناسب، كمان الجينزالمقطع مبقاش موضة وبيقلل من شكل اللبس بشكل عام، وكذلك الجينز اللي فيه كذا لون مبقاش موضة السنة دي، واللي طالع موضة هو الـ Wide leg جينز، وهو البنطلون اللي رجله نازلة على واسع.
عالم الفاشون والموضة
Look Show يهتم بكل ما يتعلق بالمرأة، كما يدخل عالم مصممين الأزياء والموضة ليستعرض أحدث الصيحات العالمية وكيف تختار المرأة ما يناسبها بعيدًا عن التريند، فيما يقدم نصائح خاصة بالروتين اليومي للعناية بالبشرة، وكيفية الحفاظ على الرشاقة خصوصا مع الحمل والولادة.
شاهد الفيديو …
ويتناول برنامج Look Show أيضًا تجارب النجوم والمشاهير ونصائحهم للحفاظ على رشاقتهم ومظهرهم في حياتهم الشخصية أو في أعمالهم، خاصة مع الظهور المتواصل واليومي لهم سواء في لوكيشن التصوير أو البرامج التي يطلون من خلالها على جمهورهم.
