موضة انتهت في 2023 وموضة عادت في 2024 .. إعرف الإجابة من نهلة طاهر
تحدثت نهلة طاهر عن موضة 2024 وأبرز الألوان، وكذلك الموضة التي انتهت في 2023 ولم تستمر في العام الجديد، وذلك خلال الحلقة الثانية من برنامج Look Show، الذي يعرض كل يوم اثنين على خبر أبيض Tv، والذي تتناول من خلاله عالم الموضة والأزياء والميكب.
وقالت نهلة طاهر : لما نتكلم عن الموضة اللي انتهت في 2024، أول حاجة هتيجي في بالنا الـ سكيني جينز، وده مبقاش حلو إن البنات تلبسه لأنه بيخلي شكل اللوك غير مناسب، كمان الجينزالمقطع مبقاش موضة وبيقلل من شكل اللبس بشكل عام، وكمان الجينز اللي فيه كذا لون مبقاش موضة السنة دي، واللي طالع موضة هو الـ Wide leg جينز، وهو البنطلون اللي رجله نازلة على واسع، وكان الجينز الـ Straight fit والبنطلون الباجي.
موضة انتهت في 2024
وتابعت : كمان من الحاجات اللي مبقتش موضة، البليزر اللي على المقاس بالظبط، وده بنستبدله بالـ over size Blazer وده موضة جدًا وبيدي شكل حلو جداً لـ اللوك، وتقدري تلبيسه سواء الصبح أو الليل، ومن الحاجات كمان اللي مبقتش موضة السكارف الرفيعة قوي، ونقدر نبدلها بـ الأوفر سايز سكارف، بس حاولي تلبسي معاه ألوان هادية أو سكارف بلون واحد، وده بيكون أشيك في اللبس.
وأضافت : كمان من الحاجات اللي مبقتش موضة هي الحاجات اللي نازلة من تحت بأطراف مش متساوية.
شاهد الفيديو التالي …
عالم الفاشون والموضة
برنامج Look Show يهتم بكل ما يتعلق بالمرأة، منها طريقة العناية بالشعر والحفاظ عليه مع تغير الفصول، كما يدخل عالم مصممين الأزياء والموضة وأحدث الصيحات العالمية وكيف تختار المرأة ما يناسبها بعيدًا عن التريند، كما يقدم نصائح عن الروتين اليومي للعناية بالبشرة، وكيفية الحفاظ على الرشاقة خاصة مع الحمل والولادة وكل المتغيرات التي تطرأ عليها.
شاهد الحلقة كاملة …
ويتناول البرنامج تجارب النجوم والمشاهير ونصائحهم للحفاظ على رشاقتهم ومظهرهم، خاصة مع الظهور المتواصل واليومي لهم سواء في لوكيشن التصوير أو البرامج التي يطلون من خلالها على جمهورهم، وكذلك كيف يختارون ملابسهم وما يتناسب معهم بدون تقليد.
