بعد أزمة كوتشيلا .. محمد رمضان يحيى ثاني حفلاته بأمريكا اليوم
يستعد محمد رمضان اليوم الأحد لإحياء ثاني حفلاته فى أمريكا بمهرجان كوتشيلا للموسيقى والفنون.
رمضان فى مواجهة طوفان الانتقادات
وكان محمد رمضان قد تعرض لحملة انتقادات ضخمة خلال الأسبوع الماضي، بسبب إطلالته بحفله الأول فى بمهرجان كوتشيلا، والذي ظهر خلاله بإطلالة تشبه بدلة الرقص.
وجاءت تعليقات الجمهور غاضبة من محمد رمضان بسبب ملابسه، لأنها لا تناسب رجل شرقي، وأن إطلالته أساءت له ولمصر، وسخر البعض من لوك رمضان بقوله : محمد رمضان بطل إش إش الجزء التاني، وكتب آخر : مسيو محمد أنت نسيت تلبس هدومك؟
سما المصري على الخط
كما علقت سما المصري: أنا عندي أخو الطقم دا بس قطعتين .. طبيعي ده يا فنان؟ .. الطقم ده في الرقص روعة الروعة، وقال آخرون : علشان كده زعل من ياسمين صبري لما قالت له يا ابني .. كان لازم تقوله يا أختي.
رمضان يرد
بعدها خرج رمضان ليرد عبر صفحته بفسيبوك : حق الرد على الإذاعة الإسرائـ يلية، لبسي في كوتشيلا تصميم المصرية فريدة تمراز والصدرية مستوحاة من تماثيل الفراعنة وصممتها بالعملة المصرية وأضافت عليها كيب أسود فرعوني، بس السؤال بأمانة يا إسـ رائيل كان غير موفق وزعلكم، هل علم مصر في أمريكا فرحكم ؟
وقارن محمد رمضان قبل حفله الأخير، بين الماضي والحاضر في حياته، والطريق الشاق الذي سلكه من أجل الوصول للنجومية التي حققها، وعلق على صور له شاركها عبر حسابه على إنستجرام : الصور دي فكرتني زمان وأنا واقف قدام محطة المترو مستني صحابي عشان هنروح السينما، وبعدها ناكل كشري ونموت من الضحك، ماكنش عندي أي مسؤوليات ساعتها غير الدراسة.
وتابع : والصورة دي النهاردة قدام مطار الطيران الخاص في لوس أنجلوس أمريكا، وأنا رايح أغني في كوتشيلا وبتعامل VIP وباكل سوشي في الجو .. الحمد لله بس ما بقاش في صحاب زي زمان ولا ضحك زي زمان .. والله ما هزار، لو خيروني بين أيام زمان ودلوقتي .. من غير حتى ما أفكر هختار دلوقتي
أحدث أغاني محمد رمضان
وطرح محمد رمضان مؤخرا أغنيته الجديدة هتجيلي، إذ روج لها مؤخرًا عبر صفحته بفسيبوك وكتب : أغنية هتجيلي بتوقيت القاهرة إن شاء الله يوم الخميس الساعة خمسة.
