قبل ظهورها راقصة معتزلة في إش إش .. ماذا قالت دينا عن الاعتزال ؟
طرحت الشركة المنتجة لمسلسل إش إش بطولة مي عمر، البرومو والبوسترات الدعائية للعمل المقرر عرضه في موسم دراما رمضان المقبل 2025، وكشفت دينا عن تفاصيل دورها في العمل خلال تصريحات صحفية لها، وقالت : بقدم شخصية تيسير كابوريا، الراقصة المشهورة التي اعتزلت وتولت تدريب الراقصات، والمسلسل يلمس نقاط ضعف الراقصات.
تصريحات سابقة لـ دينا عن الاعتزال
وسبق وأن كشفت دينا في تصريحات سابقة لها عن موقفها من الاعتزال، وقالت : بيقولوا لازم تبطلي رقص، اللي بيقول كدة زي ما يكون هيحدللي مسيرتي الفنية ابتدي امتى وأخلص أمتى وأعيش إزاي، أولا ده عرض وطلب أنا مبخبطش على الناس في بيوتهم وأقول لهم شغلوني.
موقفها من الاعتزال
وعن إمكانية اعتزالها الرقص قالت دينا : مش هبطل رقص لإني مُدربة بقالي سنين طويلة بدرب في العالم كله، وهفضل أرقص لحد ما صحتي تبقى مش مساعداني وبعتذر للي هيزعل إني مش هبطل لكن ياريت تفكر في نفسك.
وتابعت : المسألة مش مسألة قرار سهل تقدر تاخده دا مش قرار سهل خالص دا قرار صعب جداً الناس اللي بتشتغل لايف بالنسبة ليها جزء من حياتها وتركيبة يومها اتكونت على الشغل، وعلشان يبطلوا محتاجين نقلة في حياتهم، معتقدش اللي بيقول كده يقدر يبطل حاجة هو متعود إنه يعملها لكن هو يقدر يحكم على الناس كويس، لكن ميعرفش يحكم على نفسه.
قصة إش إش
إش إش، تدور أحداثه في إطار اجتماعي تشويقي، تظهر خلاله مي عمر بشخصية راقصة شعبية، وتمر حياتها بالعديد من الأزمات، كما تدخل في صراعات مع ماجد المصري وهالة صدقي ضمن الأحداث.
أبطال إش إش
مسلسل إش إش، مكون من 30 حلقة، ومن بطولة مي عمر، ماجد المصري، هالة صدقي، شيماء سيف، محمد الشرنوبي، انتصار، دينا، إيهاب فهمي، إدوارد، عصام السقا، علاء مرسي، طارق النهري، حمدي هيكل، وياسر عزت، مع عدد من ضيوف الشرف ومنهم أحمد زاهر وكريم فهمي ومحمد ممدوح ومحمد عبدالرحمن وأشرف زكي، والعمل من تأليف وإخراج محمد سامي.
مسلسل إش إش يتصدر التريند
وتصدر المسلسل خلال الأيام الأخيرة تريندات السوشيال ميديا بعد طرح إعلان جديد له أول أمس، بالإضافة إلى طرح البوسترات الدعائية لكل أبطال العمل، خاصة مي عمر التي ظهرت بأكثر من بدلة رقص على البوسترات، وضعتها في صدارة التريند.
