فيفي عبده : بنتي الأنسب لتقديم قصة حياتي وشغلي مع أحمد زكي نقلة في مسيرتي
واصلت فيفي عبده حديثها في الجزء الثاني من لقائها ببرنامج حبر سري، الذي تقدمه أسما إبراهيم، على قناة القاهرة والناس، وكشفت خلال اللقاء كواليس تعاونها مع أحمد زكي في فيلم إمرأة واحدة لا تكفي، كما تحدثت عن رأيها في تقديم قصة حياتها في عمل فني.
فيفي عبده تتحدث عن أحمد زكي
وقالت فيفي عبده : مشاركتي في فيلم امرأة واحدة لا تكفي مع أحمد زكي كانت نقلة كبيرة لي في مسيرتي الفنية، أحدثت فارق كبير معي على المستوى الفني، وكانت التجربة التمثيلية الثالثة لي، وأُقيمه بـ 100% وعملته من غير مكياج وخلى المنتجين يجيبوني بعد كده في أدوار أكتر.
وواصلت : الراحل احمد زكي كان رجلًا عظيمًا وعلى خلق كبير وفنان راقي، وكان يساعدني دائمًا في فهم طريقة التمثيل والتصوير، وكان يتمتع بأخلاقيات قيمة.
من الأنسب لتقديم قصة حياة فيفي عبده ؟
أما عن تقديم قصة حياتها، تابعت : في حال تفكيري في تقديم عمل فني عن قصة حياتي سأختار ابنتي عزة لتقديم شخصيتي، وسأقوم بتدريبها على الرقص وهي شرباني وعارفاني كويس وممثلة مجتهدة وشاطرة.
وعن عودتها للرقص، علقت : لو جالي عرض رقص أمام ناس مبحبهاش ممكن أرقص لو محتاجة الفلوس، لكن لو ربنا ساترها معايا مش هوافق أعمل كده.
واختتمت حديثها : أنا مبفهمش لا في الدين ولا في السياسة، واللي يفتي في الحلال والحرام الناس بتوع الدين ودلوقتي كل واحد عايز يعمل قاضي، وأنا مقدرش أقول الرقص حرام ولا حلال، وربنا اللي يحكم في ده، ولكن الرقص مهنة مثل كل المهن في النهاية بها تعب وشقى.
نصائح فيفي عبده للسيدات
وكانت قد وجهت فيفي عبده نصيحة للسيدات في الجزء الأول من الحلقة بالأمس، وقالت : لو الست عرفت إن جوزها بيخونها تطنش وتعمل نفسها مش عارفة، ومفيش راجل معندوش نزوات، وفي إحدى المرات الشحرورة صباح كانت معايا في العربية وقالتلي إنها مختلفة مع جوزها ودخلت في حالة نفسية صعبة، ومن وقتها بقيت مقتنعة إن الست لازم تطنش.
كما كشفت فيفي أصعب فترات حياتها، قائلة : وفاة اثنين اخواتي في سنة واحدة خنجر دخل في قلبي ومكنتش عايزة أشوف حد ولا أتكلم مع حد وكنت باخد مهدئات ونفسيتي كانت وحشة.
