نهلة طاهر تكشف أهم تريندات حفل جرامى 2024 وتريند ما بعد باربي
كشفت نهلة طاهر، أهم تريندات حفل جرامى 2024 وتريند ما بعد باربي، وذلك خلال الحلقة الثالثة من برنامج Look Show، الذي يعرض كل يوم اثنين على خبر أبيض Tv، والذي تتناول من خلاله عالم الموضة والأزياء والميك أب.
أهم تريندات حفل جرامي 2024
وقالت نهلة طاهر : مؤخرًا شوفنا كلنا حفل توزيع جوائز جرامي 2024 واللي كان يوم 4 فبراير وخطف أنظار العالم كله، الحفل اهتمت بيه كل مجلات العالم مش بس علشان الجوايز الكتير اللي فاز بيها فيلم أوبنهايمر، لا كمان علشان الحفل كان عبارة عن عرض أزياء عالي المستوي.
وتابعت : شوفنا نجمات كتير وفساتين وlooks على مسرح كريبتو أرينا في لوس أنجلوس، ومن وحي الحفل ظهر أقوي 7 تريندات للموضة غيروا المقاييس في 2024.
شاهد الحلقة كاملة…
وأضافت نهلة : أول تريند هو الـ Neutral tones أو الألوان الحيادية، زي الأبيض، والرمادي، والأسود والـ Navy، والـ Denim، وكانوا مسيطرين على looks أغلب المشاهير، وكمان شوفنا فرقة Pentatonix لموسيقى البوب، واللي كانوا لابسين بين الأبيض والأسود بستايل المونوكروم.
واستكملت : التريند التالت هو لوك coquette makeup، واللي تألقت به لانا ديل راي في الحفلة، بينما اختارت صوفيا ريتشي إنها تظهر بالـ No makeup لوك، وعلى مستوي الفساتين قررت أوليڤيا رودريجو إنها تتصدر التريند بفستانها اللي كان كله ألماظ، لكن كيلي كلاريكسون قدرت إنها تخطف الأنظار ليها بفستان Off shoulder neckline، واللي كل البنات بتحبه في اللبس.
أبرز تريندات حفل جرامي 2024
وواصلت : أما أوبرا وينفري فتألقت بستايل الـ shimmering Sequins، على عكس بيونسيه اللي فاجئتنا بالستايل اللي مكانش هيليق علي حد غيرها وهو الـ bows.
واختتمت حديثها : ومن حفل الجرامي وترينداته لتريند تاني خالص، ففي الفترة اللى فتت، سيطرتريند Barbie على العالم كله، لكن قدر لون تاني يبقي مكانه وتستعين بيه عدد كبير من النجمات وهو اللون الأحمر اللي بقي التريند لـ 2024.
شاهد الفيديو …
ويهتم برنامج Look Show بكل ما يتعلق بالمرأة، منها طريقة العناية بالشعر والحفاظ عليه مع تغير الفصول، كما يدخل عالم مصممين الأزياء والموضة وأحدث الصيحات العالمية وكيف تختار المرأة ما يناسبها بعيدًا عن التريند، كما يقدم نصائح عن الروتين اليومي للعناية بالبشرة، وكيفية الحفاظ على الرشاقة خاصة مع الحمل والولادة وكل المتغيرات التي تطرأ عليها.
