حسام حبيب : بعت عربيتي وبيتي علشان أصرف على نفسي ولو شيرين صوت مصر هغير جنسيتي بكره
حلّ حسام حبيب ضيفًا على برنامج العرافة مع الإعلامية بسمة وهبة، المذاع يوميًا على شاشة النهار، وخلال اللقاء تحدث عن فترة زواجه من شيرين عبدالوهاب.
وقال حسام حبيب : أنا مُجرم في حق نفسي وأهلي وأصحابي، وكنت أناني جدًا، وطلعت غبي ومفكرتش غير في نفسي.
وأضاف : بعت عربيتي وبيتي علشان أعرف أصرف على نفسي، ولو شيرين هي صوت مصر وبالسلوك ده، أنا هغير جنسيتي بكره، وشيرين مش رقم 1 في الأجر، وقيمتها الفنية زادت بعد زواجها مني.
وحسم مؤخراً حسام حبيب الجدل حول ما تردد بشأن قيامه بحلاقة شعر طليقته شيرين عبدالوهاب، مؤكدا أنها اتخذت هذا القرار بنفسها، دون أي تدخل منه، كما شدد على أنه أغلق هذه الصفحة تماماً، ولا يفكر في العودة إليها تحت أي ظرف.
تفاصيل ليلة حلاقة شيرين لشعرها
وفي لقائه مع الإعلامية بسمة وهبة في برنامج العرافة أمس، كشف حسام حبيب عن كواليس الواقعة التي أثارت ضجة واسعة، قائلاً : الدكتور اللي كان بينظم علاقتنا نصحني إنه لما شيرين تكون متعصبة، أبعد عنها وأسيب المكان، وده اللي حصل، نمت وصحيت ملقتهاش في البيت، وبعد كذا يوم كلمتني وقالت لي تعالى لي.
وأضاف : لما روحت لها، كان فيه واحد صاحبنا وواحدة صاحبتنا، وطلبت مني أسمعها الأغاني اللي سجلتها وبعد ما سمعتها قالت لي : إنت بتعمل لنفسك أغاني أحسن من اللي بتعملهالي، وفضلت تعيط
وتابع : بعدها صاحبتنا قالتلي خلي بالك من فلان، هو بيسخن شيرين عليك، فدخلت لقيتها متضايقة، وقالت لي : أنت جاي تنكد علينا وبعدين قالتلي : قوم روح، وبعدها طلبت الطلاق.
واستطرد قائلا : بعد شوية طلبت من صاحبتنا تطمن عليها، خبطنا على بابها مش بترد، وبعدها خرجت لقيناها بالمنظر ده، وأنا اتخضيت جداً، هي اللي حلقت شعرها بنفسها، وده كان قرارها.
مرحلة شيرين انتهت
وفي حديثه، أكد حسام حبيب أنه لن يعود إلى شيرين عبدالوهاب مجدداً، موضحا أنه تعرض للكثير من الأذى بسبب علاقتهما : لا يمكن أرجع لها تحت أي ظرف، كسبت إيه من القصة دي غير الأذى ؟ واختتم : كل شوية حياتي بتكون موضوع للعناوين : حسام حلق شعر شيرين، حسام سرق شيرين، حسام استغل شيرين.
