حسام حبيب : شيرين مديونة ليا بـ 60 مليون جنيه ولو اشتغلت هجيب فلوس أكتر منها
حلّ حسام حبيب ضيفًا على برنامج العرافة مع الإعلامية بسمة وهبة، المذاع يوميًا على شاشة النهار، وخلال اللقاء تحدث عن فترة زواجه من شيرين عبدالوهاب، ورد على شائعات قيام شيرين بالإنفاق عليه خلال فترة زواجهما.
وقال حسام حبيب : حصلت لي ظروف وقعدت مبشتغلش بس الحمد لله كان معايا أصرف، والناس اللي بتقول إن شيرين بتصرف عليا، طب أنا كنت بصرف منين قبل شيرين؟
واستكمل : شيرين هي اللي مديونة ليا بـ60 مليون جنيه، وتابع : شيرين وقفت قدام ناس قبل كدا وقالتلي أنت ليك عندي فلوس خدها، قولتلها يا شيرين عيب أنا جوزك وبعمل كدا عشان أحافظ عليكي، ردت قالتلي أنا مليش ف أبو بلاش.
وتابع : قولتلها متستفزنيش هجيب المحاسب وهنتحاسب بالجنيه وكلمته وطلع عليها 50 أو 60 مليون جنيه ليا، مضيفًا : إحنا عندنا شركة بتاعتي أنا وهي، وليا فيها 10% وهي 80 % ومش باخد منها جنيه.
واستضاف مؤخرًا برنامج المقالب رامز إيلون مصر، الذي يقدمه رامز جلال على قناة MBC مصر، حسام حبيب في سادس حلقات البرنامج ووجه رامز جلال سؤالًا لحسام حبيب خلال الحلقة، قائلًا: إنت اللي دمرت شيرين عبدالوهاب ولا واخدها متدمرة؟، ليرد عليه حسام قائلًا : أنا اللي دمرتها.
كما طالبه رامز بالاعتذار لشيرين والاعتراف بحبه لها، وسأله : لسه بتحبها؟ ليجيب حسام: لسه بحبها.
آخر ألبومات حسام حبيب
وبدأ حسام حبيب مؤخرا الترويج لألبومه الجديد، وظهر في البوستر الترويجي للعمل بـ لوك جديد، ويعقد حالياً جلسات عمل يومية داخل الاستديو لكي يتمكن من الانتهاء من تسجيل أغنيات الألبوم الجديد المقرر طرحه في الأسابيع القليلة القادمة، والذي طرح منه حسام أغنية كدابة، وأثارت الكثير من الجدل، بعدما ربط البعض كلماتها بعلاقته بطليقته شيرين عبدالوهاب.
وقدّم حسام حبيب عدة ألبومات غنائية هي لسه، وأجمل قصة حب، وجوه القلب، وفرق كتير عام 2016، وكان قد بدأ مشواره الفني من خلال التلحين حيث تعاون مع إليسا في أغنية عايشالك، كما قدم حسام مع شيرين عبدالوهاب أغنية كل ما أغني قبل أن يرتبط بها.
