لـ كريم عبدالعزيز والسقا ومنى زكى .. محمد سامى يكشف عن مشروعين لم يكتملا
كشف محمد سامي عن سبب عدم تحقيقه النجاح الكبير في السينما مثلما قدم نفسه في الدراما، وذلك خلال حديثه مع كاميرا خبر أبيض TV، وقال : طبيعي أي حد لما بيتخرج بيفكر يعمل فيلم سينما، محدش بيفكر يعمل مسلسل، كمان في الوقت اللي بدأت أشتغل فيه مكنتش المسلسلات مسيطرة زي دلوقتي، ووقتها مكنتش بدي الأفلام حقها زي ما بعمل دلوقتي مع المسلسلات بتاعتي.
وتابع : كنت موفق في فيلمين لـ تامر حسني هما تصبح على خير وأهواك، لكن طموحي كان أعلى من كده، لأن كان عندي مشكلة في الفيلم الكوميدي، لأنه مش هو اللي بيصنع مخرج كبير، ومعظم الحاجات اللي عملتها كانت كوميدي.
شاهد الفيديو …
وأضاف : في مرة كنت بعمل فيلم مع الأستاذ وحيد حامد، وكان كبير جداً لكن مكنش له نصيب أنه ينزل، بعده حضرت فيلم مع كريم عبدالعزيز إسمه الفارس، لكن اختلفت أنا والمنتج في الأفكارلأنه كان إنتاج ضخم، لكن أنا وكريم شوفنا إن الفيلم هيتظلم بالمقاييس اللي الإنتاج حددها له.
واختتم : كمان صورت أسبوعين من فيلم 3 شهور، لـ أحمد السقا ومنى زكي وبعدها سافرنا أمريكا علشان نكمله هناك، وكان فيلم كبير ومهم، لكن حصلت أزمات مع شركة الإنتاج ومقدرتش تكمل الفيلم.
محمد سامي في رمضان 2025
من ناحية أخرى، ينافس محمد سامي في موسم دراما رمضان المقبل 2025 بمسلسلين هما إش إش من بطولة مي عمر وسيد الناس من بطولة عمرو سعد.
مسلسل إش إش، تدور أحداثه في إطار اجتماعي شعبي، يشارك بجانب مي عمر في بطولته، ماجد المصري، هالة صدقي، شيماء سيف، محمد الشرنوبي، إنتصار، إيهاب فهمي، إدوارد، عصام السقا، علاء مرسي، وطارق النهري، والعمل من تأليف وإخراج محمد سامي.
أما مسلسل سيد الناس، فيدور في إطار شعبي تشويقي، يضم في قائمة أبطاله نخبة من النجوم مع عمرو سعد، ومنهم أحمد زاهر، أحمد رزق، ريم مصطفى، إلهام شاهين، إنجي المقدم، خالد الصاوي، نشوى مصطفى، أحمد فهيم، رنا رئيس، منة فضالي، طارق النهري، وياسين السقا، والعمل من تأليف الكاتب الصحفي خالد صلاح وإخراج محمد سامي.
