أول مرة .. محمد سامى يكشف سبب اعتذاره عن فيلم محمد سعد وفيلم أكرم حسنى
كشف محمد سامي خلال لقائه مع كاميرا خبر أبيض TV عن العديد من الأسرار الخاصة بأعماله الأخيرة، وخاصة فيلمي محمد سعد وأكرم حسني اللذين اعتذر عنهما بعد بدء التحضير لهما، وقال سامي : أنا بكون عايز أعمل فيلم كويس قوي، لأن مش هيضيف لي إني أعمل فيلم نص نص، وممكن كل يوم أعمل فيلم وهيطلع لذيذ لكن أنا مش عايز أعمل كده.
وأضاف : قبل ما أدخل أي فيلم ببقى حاطط أفكار وشروط معينة، لكن لما ألقى الموضوع رايح في حتة غير اللي أنا متفق عليها الانسحاب بيكون أفضل الحلول، ويقدر أي حد تاني يعمله أحسن مني، وكل الأفلام اللي اعتذرت عنها اتعملت، وصناعها كسبوا منها.
شاهد الفيديو …
وتابع : لكن بالنسبة لفيلم محمد سعد علشان محدش يقول إني اختلفت معاه، الكلام ده محصلش خالص وأنا شوفت منه كل احترام، وكان مسلم نفسه تماماً، ونفسه يعمل الفيلم، لكن الفكرة اننا اتاخرنا في الفيلم وهوأنا ارتبطت بمسلسل نعمة الأفوكاتو وكان لازم أدخل التصوير.
وعن فيلم العميل صفر لـ أكرم حسني، قال : بدأت تصوير فيلم العميل صفر، لكن لما التصوير يقف فترة طويلة مش بعرف أرجع أصور تاني، رغم إن المنتج وائل عبدالله صاحبي جداً، لكن وقتها أنا كان عندي مسلسل وأبطال الفيلم نيللي كريم عندها مسلسل واكرم عنده مسلسل وبيومي فؤاد عنده مسلسل، وقتها الشركة المنتجة قالت نصور جزء وبعد ما يخلصوا مسلسلاتهم نرجع نكمل، لكن أحياناً بيكون صعب ننسق المواعيد بين كل النجوم، وبعد أسبوعين تصوير وقفنا، وجينا نرجع نصور محدش فاضي وأكرم خس جداً، وكان صعب نرجع نصور.
جلسة محمد سامي في مهرجان البحر الأحمر
وحضر محمد سامي فعاليات الدورة الرابعة من مهرجان البحر الأحمر السينمائى الدولي هذا العام، والذي أقيم في المملكة العربية السعودية، في الفترة من 5 ديسمبر حتى 14 ديسمبر الجاري، وتحدث خلال سامي خلال جلسته الحوارية بالمهرجان عن مشواره الفني والنجاحات التي حققها في الدراما والسينما، وأسلوبه الخاص في الأعمال التلفزيونية الناجحة، وغيرها من التفاصيل المهمة.
محمد سامي في رمضان 2025
من ناحية أخرى، ينافس محمد سامي في موسم دراما رمضان المقبل 2025 بمسلسلين هما إش إش من بطولة مي عمر من تأليف وإخراج محمد سامي، وسيد الناس من بطولة عمرو سعد والعمل من تأليف الكاتب الصحفي خالد صلاح وإخراج محمد سامي.
