بالفيديو .. أحمد حاتم : انفصلت عن زوجتى وأتمنى لها كل الخير
يرفض أحمد حاتم التحدث عن حياته الخاصة في معظم لقاءاته الإعلامية، باعتبارها منطقة ممنوع الاقتراب منها، ويكتفي فقط بالحديث عن أعماله الفنية.
وتحدث حاتم لأول مرة مع كاميرا خبر أبيض عن حياته الشخصية وزواجه وطلاقه، وقال في تصريح خاص : ده نصيب، بالعكس الحاجات دي بشوفها نصيب وخير ليا والطرف الآخر، وعلاقتنا ببعض كويسة ومحترمة جدًا بعد الطلاق، وكمان العلاقة محترمة مع أهلي وأهلها، وأتمنى الخير ليها ولنفسي.
وعن تعمده إخفاء زواجه عن جمهوره قال : خالص، ناس كتير ماكنتش تعرف إني كنت متجوز أو مطلق، وفي ناس بتتضايق لما حد يتكلم عنهم كتير لكن هما اللي بيدوهم المعلومة، وأنا مش بسعى إني أدي المعلومات دي، وبتكلم في الموضوع بدون تفاصيل.
وعن دخوله في علاقة جديدة الفترة المقبلة، تابع : ملحقتش أرتبط تاني، بس أهم حاجة إننا مش خارجين معقدين، وأتمنى الخير يحصل ويكون في نصيب أحسن ليّ وليها، بس أنا حاليًا مش بفكر في الموضوع ده، وفيما يخص مواصفات شريكة حياته القادمة أكمل : بهتم إن الشخص يكون حقيقي جدًا، والشخص الحقيقي ده يعني حاجات كتير، منها إنه يكون صادق ومش بيتحول ويتغير بتغير الظروف والمستجدات، خصوصًا في شغلنا، وإنه ميتهزش بسهولة، وطبعًا كمان عينيها وعودها.
فيلم المنبر
وينتظر حاتم الفترة المقبلة عرض فيلم المنبر، الذى تدور أحداث الفيلم حول مكانة الأزهر الشريف ودوره في التعاون مع الشعب المصري كتفًا بكتف في المقـ اومة الوطـ نية ضد المـ حتل بمختلف أشكاله على مر العصور، والتي وصلت إلى ما يزيد عن الألف عام، وخلال الفيلم تتداخل الأحداث بشكل وثائقي يمزج بين الواقع الحالي وما سبق من أحداث تاريخية موثقة بالصوت والصورة.
شاهد الفيديو التالي …
ويجسد أحمد حاتم خلال أحداث فيلم المنبر، دور باحث في تاريخ الأزهر الشريف، بينما يظهر كمال أبو رية بشخصية الزعيم عمر مكرم، أما أحمد عبدالعزيز فيجسد شخصية أحد شيوخ الأزهر.
ومن المقرر ترجمة الفيلم لـ الإنجليزية والإيطالية والفرنسية والإسبانية، حتى تصل فكرة العمل إلى الجمهور في العالم أجمع، ومن ثم يتفاعلون مع رسالة العمل في إبراز دور الأزهر الشريف في العالم.
