يسرا من الجونة : خالد جوزي هو أكبر حب فى حياتى وكان نفسي أطلع دكتورة أو أشتغل فى العمل السياسي

تحدثت يسرا خلال الماستر كلاس فى مهرجان الجونة عن الحب فى حياتها وقالت : الحب أهم شئ في الحياة واللي بيحب بيسامح وبيعرف يشتغل وينتج، وأنا حبيت كتير طول حياتي لكن أهم وأكبر حب هو حب خالد جوزي. 

وأضافت : كان نفسي وأنا صغيرة أطلع دكتورة، بعدها قلت لا نفسي أشتغل في المجال السياسي، لحد ما لقيت إني مش هعرف أكون غير ممثلة لأن التمثيل بيخليني أعيش شخصيات كتير في الحياة. 

وبدأ منذ قليل ماستر كلاس يسرا، التى أقيمت على هامش مهرجان الجونة السينمائي، فى دورته السادسة، وحرص عدد كبير من نجوم الوسط الفني، على حضور الندوة أبرزهم هدي المفتي، مروان حامد، إيناس الدغيدي، مريم ابو عوف، مريم نعوم، إنجي علاء، أحمد حاتم، عمرو منسي، أبو، يسري نصر الله، بوسي شلبي، نسرين طافش، محمد شاهين.

وقالت يسرا خلال الماستر كلاس : جالي فرص في هوليود وفرنسا واعتذرت عنهم، السيناريو معجبنيش واتعرض عليا مليون دولار بس الشغل كان وحش، وأي بلد ليها أجندة معينة أنا مقبلتهاش، بس عمري ما حبيت ولا أتمنيت أمثل بره، هنا كل الوطن العربي بيحبني وليا مكانتي، أروح هناك وأكون نمرة 10 ليه وأنا هنا نمرة 1.

وعن فيلم عمارة يعقوبيان : رفضت الفيلم في البداية لحد ما عادل إمام ووحيد حامد عملوا عليا كمين وقالولي أقري السيناريو وأول ما قريته وافقت فورا.