أحمد مكي : اللي بيعملوه الصـ هاينة بداية زوالهم واللى بيحصل فرصة لينا علشان نمشى فى طريق الله
استنكر أحمد مكي ما يحدث من قبل الجيش الإسـ رائيلي تجاه شعب غـ زة في الوقت الحالي من إبـ ادة جماعية وقـ صف عنـ يف.
ونشر مكي فيديو عبر حسابه بموقع فيس بوك، وعلق قائلًا : حب الدنيا وكراهية الموت ميجتمعوش أبدا مع فكرة الإيمان، واللي عنده إيمان حقيقي من جواه هيكون بيتمنى يستشهد في سبيل الحق والحق هو الله، وأنا لا أدعي إني رجل دين أو شخص مثالي، ولكني إنسان بسيط أخطئ وأصيب، وأكيد ليا أفعال في حياتي بدعي ربنا يغفر لي.
وتابع : لما قعدت أقرأ شوية في الموضوع، لقيت إن في آيات كتير في القرآن واضحة وصريحة قالت الخلاصة، وقالت إن النصر له شروط، مثل إن تنصروا الله ينصركم، وإذا جاء نصر الله والفتح، والله يؤيد بنصره من يشاء، وبالتالي النصر مقرون ومنسوب دايما لله في القرآن.
وأضاف : من قبل ما تشتد أحداث فلسـ طين مؤخرًا، في علامات ربنا نزلها كتير، الأعمى يشوفها، زي الزلازل والبراكين والأوبئة، وربنا من رحمته بينذل النذر قبل الأحداث العظام، وإحنا داخلين على حاجات عظيمة، وأنا مش بفتي ولكن ده كلام موجود في الدين، اللي جاي لازم الإنسان يحدد فيه موقفه ويعرف الطريق الصحيح وأقصد بيه طريق الله، طريق الله مفيهوش تنازع أو أحزاب.
واستكمل : الإسـ رائيليين بيبلطجوا، وبالتالي البلـ طجي لازم يُسـ حق ويبـ اد، وأول رئيس وزراء عندهم من أول تصريحاته قال بكل فجاجة والناس عدت الموضوع عادي من غير ما يقولوا إن ده إرهـ اب، وقتها قال إن قوتهم الرئيسية في قدرتهم على تفتـ يت أكبر الدول العربية وهم بالترتيب العراق وسوريا ومصر، وأغلب المخطط حصل بالظبط، وللأسف لما حصل في العراق حصل نفس الموقف المخزي ومحدش اتدخل ومحصلش وحدة والناس ماخدتش موقف.
واختتم : الأحبار عندهم اللي مذاكرين التوراة كويس، عارفين إن الحركة اللي بيعملوها الصهـ اينة دلوقتي دي بداية الزوال وده وعد الله الحق وعمره ما يخلف ميعاده أبدًا، ودلوقتي لازم ناخد بالأسباب ويا إما ناخد طريق الله يا ناخد طريق الشيطان، والصهـ اينة هما جيش الشيطان.
