غادة عبدالرازق : أنتظر عرض فيلمي البقاء للأصيع مع بيومي فؤاد وتعرض عادل إمام للشائعات نجاح
كشفت غادة عبدالرازق تفاصيل فيلمها الجديد البقاء للأصيع، التي انتهت من تصويره خلال الفترة الماضية، بالإضافة لرأيها في الشائعات التي تنتشر بين الحين والآخر حول الزعيم عادل إمام.
وقالت غادة خلال لقاءها مع قناة رؤيا مصر : فيلمي الجديد اسمه البقاء للأصيع ومعايا بيومي فؤاد وأحمد آدم ومحمود حافظ، وأنا بقالي كتير معملتش كوميدي، واتبسطت جدًا بالتجربة، لإن المخرج شريف إسماعيل كان متعاون للغاية، ونفسي ينزل قريب عشان أتفرج عليه.
كما تطرقت للانتقادات التي طالت فيلم مرعي البريمو لمحمد هنيدي خلال الفترة الماضية، قائلة : بتكون حسابات خاصة وناس بتخلص حسابات مع ناس، ولكن فكرة إن العمل يجلى، على فكرة أعظم نجوم جابتها مصر من الخمسينات والأربعينات عملوا أفلام كويسة جدًا وأفلام لو اتفرجت عليها تقول هما إزاي عملوا ده.
وعن رد فعلها بعد قرائتها لأية شائعة تترد حول الزعيم، قالت : بضحك على الشائعات دي، وبعدين لما حد يجيب سيرته المفروض يقولوا الأسطورة عادل إمام، وحتى وهو قاعد في بيته قالقهم وتاعبهم، وده شئ جميل ونجاح، بالرغم من أستاذ عادل بقاله سنتين مش بيعمل حاجة.
أيضًا كشفت موقفها من دخول مجال الغناء، وعلقت قائلة: لا مقدرش أعمل كدة طبعًا، لكن لو بعمل فيلم استعراضي واتطلب إني أغني جواه، اه ممكن، مسرح مثلًا، ممكن برضه، إنما بشكل عام لا، لأنها مش مهنتي وأنا مش مطربة، ولا حتى مؤدية، أنا مهنتي التمثيل وده حياتي وبتنفسه، والموهبة اللي ربنا ادهالي.
