محمد عبدالعظيم : اشتغلت في مصنع نسيج بـ 50 قرش في اليوم وبقيت بخاف من الستات بسبب تجربة في بداية حياتي
حل محمد عبدالعظيم ضيفاً على برنامج الستات، المذاع على قناة النهار، وكشف تفاصيل عن حياته الشخصية وبدايته في الفن.
وقال عبدالعظيم : كان في دماغي إن الممثل بيبقى كل حاجة، كنت عايز أبقى ممثل علشان أكون ظابط ودكتور ومهندس، كنت متخيل إني هبقى كل حاجة، والموضوع رسي في عقلي الباطن.
وأضاف أن أول دور قدمه في حياته كان خلال مسرحية فى مرحلة الثانوية العامة، وتابع : من ساعتها حبيت الحكاية وشبطت.
واستكمل بأنه يحب العمل منذ الطفولة، إذ كان يعمل خلال هذه الفترة، حيث أوضح أن عمل التلاميذ خلال الصيف كان طبيعي خلال هذه الفترة.
وأضاف أنه عمل في مصنع نسيج في شبرا الخيمة، وكان يحصل على 50 قرش يومياً، حيث كان يعمل لمدة 12 ساعة في اليوم، وعمل بعدها مساعد بناء وكان يحصل على 5 جنيهات يومياً.
وعن أول قصة حب في حياته، قال: بقيت بخاف من الستات، بسبب تجربة في أول حياتي، كانت قصة حب عنيفة أوي، لكن ضحت بيا علشان عريس جاي من الخليج معاه فلوس.
واختتم عبدالعظيم : أهم حاجة في الست إنها تكون أصيلة، لو مش أصيلة يبقى بلاش، لازم يكون في شعور بالامتنان للحاجات اللي بقدمها.
