تامر حبيب : الزواج مؤسسة اجتماعية فاشلة ولما أموت عايز أصحابي يعملوا حفلة ويرقصوا
رد تامر حبيب على الانتقادات التي طالته بعد حضوره حفل زفاف في الجونة يوم وفاة سمير غانم، وعدم حضوره مراسم الجنازة.
وقال تامر : الله يرحم سمير غانم لو كان مكاني كان سيذهب لحفل الزفاف، لأنه كان يحب البهجة، وأنا كنت في فرح في الجونة وللأسف الشديد كنت هحضر الصبح الجنازة وأرجع على الفرح بالليل.
وتابع : فكرة أني رحت الفرح مش معناها إني متوجعتش على فراق سمير غانم، خاصة أنه كان في بينا علاقة حب شديدة وكان صديقي ونلت شرف أني أشتغل معاه في مسلسل شربات لوز، وأنا عارف أنه مش مضايق وأي حد تاني يولع وأولاده مش زعلانين.
وأضاف تامر حبيب : كتبت وأكرر كلامي، لما أموت اللي بيحبوني كلهم يعملوا حفلة كبيرة على سيرتي، ويشغلوا الأغاني اللي بحبها ويفتكروا المواقف اللي بتضحك ويرقصوا وينبسطوا وهكون أكثر واحد مبسوط حينها.
أما عن رأيه في الزواج، فقال: أنا شايف الست أهم ألف مرة من الراجل، لأنها هي اللي بتعمل الراجل وكلنا اللي عملتنا أمهاتنا، والجواز من وجهة نظري مؤسسة اجتماعية فاشلة، ولو جه نصيبي زي القطر هتجوز ولو مجاش خلاص.
