رواد السوشيال ميديا يهاجمون بسمة بوسيل بسبب دفاعها عن سعد لمجرد : هتخسري كتير بسببه
تعرضت بسمة بوسيل لهجوم كبير من قبل رواد السوشيال ميديا، وذلك بعد مساندتها لـ سعد لمجرد بعد الحكم عليه بـ 6 سنوات فى قضية اغتصاب فتاة فرنسية.
ونشر بسمة فيديو ستوري على إنستجرام يجمع لمجرد مع زوجته غيثة العلاكي، وكتبت: هذا مؤسف.. ومش هنقطع آملنا في رحمة الله، الله يهون عليه.
ما كتبته بسمة وضعها فى مرمى انتقادات رواد السوشيال ميديا، حيث طلب منها الجميع عدم الدفاع عنه حتى لا تخسر جمهورها.
وأمام هذا الهجوم، خرجت بسمة بوسيل لترد من خلال ستوري إنستجرام، قائلة : مساء الخير ردا على سوء التفاهم اللي حدث بسبب آخر ستوري مني، أنا أكيد ضد أي تحرش أو اغتصاب مهما كانت الظروف وما أقبلش على بناتي أو نفسي حاجة زي كده.
وتابعت : أنا كنت بتكلم على قصة واحد ووحدة هي نفسها اعترفت أنها طلعت معاه للأوضة لوحدها، فالمفروض دي حاجة تنافي عاداتنا وتقاليدنا وشافيين الرجل مذنب والست لا عشان مغربي وعشان فعلا دائمًا في عنصرية ضد العرب في البلدان الأوروبية وأكيد القضاء هياخد مجراه.. للذكر أنا بشجع البنات وكل الستات بالعدل بس.
وواصلت : أنتي تقدري أكيد تقدري تبقي مهنية أكتر وتدوري في أحداث القضية أكثر مش بس تلحقي الترند عشان تظهري، أنتي تقدري أكيد تقدري بس أهم حاجة من غير ما تكذبي.. وانسحابي كان بسبب إنني لا أتشرف بأن أكون جزءا من برنامج لا يحترم حقوق الإنسان لأنه يحترم حقوق المرأة.
وأضافت : بقينا في زمن الشماتة والتنمر والحكم على ناس فيها اللي مكفيها من ابتلاء فضيلة.. وإنك تدعي لحد في مصيبة بإن ربنا يعون عليه وينزل عليه الرحمة بالشكل اللي طبعًا ربنا شايفة عادل جريمة.
