بالفيديو .. محمد صبحى : عمرى ما كرهت إنسان ولو مصر بنت كنت حبتها

يغيب الفنان محمد صبحي عن جمهوره منذ سنوات طويلة، ومؤخرًا أعلن عن عودته للسينما بعمل جديد يحضر له في الفترة الحالية، وإلتقت كاميرا خبر أبيض به للحديث عن الحب والعديد من الأمور الأخرى عن حياته الشخصية.

وقال صبحي في تصريح خاص : أنا عمري ما كرهت إنسان، واللي بيتعود على الكراهية بيكره، وممكن كمان بسهولة يكره أي حد بلا أي مبررات، ولو مصر بنت أنا ممكن أحبها.

وعن احتفاله بعيد الحب، تابع : لم أحتفل به، وزمان كان عندي أيام كده كنت بجيب لزوجتي رحمها الله هدية وورد وأقولها بمناسبة عيد الحب، تقعد تدور في التواريخ في الأجندة، وتقولي لا مفيش أعياد، أقولها ده بمزاجي.

وأضاف : أنا مش من المحبزين للاحتفال بالأعياد والمناسبات اللي احنا بنصنعها مش الأعياد اللي عارفينها ومرتبطة بتراثنا مثلاً زي شم النسيم، إنما أنا مبعرفش أربط السعادة بالعيد، عايز أتبسط أسافر، وفي السفر باخد معايا في شنطة هدومي همومي، وأنا من الناس المتصالحين مع نفسهم، بصحى كل يوم أفتح عينيا أقول ده أحسن يوم في عمري.

وعن آخر هدية أحضرها لزوجته قبل وفاتها قال : مكنتش بجيب هدايا كتير ليها، لكن أتذكر آخر هدية ليها كانت سلسلة فيها صورتها وصورتي.

شاهد الفيديو التالي …