سعد الصغير : ربنا بيكرمني علشان بتاجر معاه ومبعرفش أغني ولا أرقص

أطل سعد الصغير على جمهوره من خلال بث مباشر عبر صفحة الشخصية على فيسبوك، وكشف خلال الفيديو عن العديد من الأمور الشخصية، وعلى على حادث مقتل فتاة المنصورة.

وقال سعد : سر الكرم اللي بعيش فيه هو المتاجرة مع الله، وتاجروا مع ربنا بأعمال الخير والتبرعات وهيكرمكم، وأضاف : أنا مش بعرف أرقص ولا أغني لكن ربنا بيكرمني علشان بتاجر معاه.

وعن واقعة قتل فتاة المنصورة أضاف : عمر ما حد بيحب حد يموته، الولد ده أكيد كان شارب حاجة، وأنا لو هحاكمه مش هيكفيني فيه إعدام، محدش يقنعني إن الراجل ده كان في وعيه، لو هي قالت له مش عاوزاك يسألها ليه ولو فيه عيوب يصلحها، ليه يموت عروسة كده!، لو بنتي وهيتشنق مليون مرة ناري مش هتبرد.

وكان قد أعلن سعد الصغير منذ عدة أشهر عن تبنيه طفلين صادفهما فى الإسكندرية على الرصيف، وأكد أن الطفلين يحيى ومحمد ضحية التفكك الأسرى وأن والديهما انفصلا منذ فترة وكل منهما تزوج، وتركا الطفلين فى الشارع، وهو ما عرضه لموجة انتقادات كبيرة، بعدما وصفه البعض بأنه يسعى للشو وركوب الترند من وراء هذه الخطوة.