شقيق حنان ترك : ليس لديها نية للعودة للتمثيل وتعيش حياة سعيدة بعيدًا عن الفن
شاركت حنان ترك، منذ أيام، فيديو لها عبر صفحتها الرسمية على فيسبوك، بعد غياب سنوات عن جمهورها منذ اعتزالها في 2012، لتنهال عليها التعليقات المطالبة بعودتها للتمثيل من جديد.
وتواصل خبر أبيض مع شقيقها حسام ترك، للحديث عن الظهور المفاجئ لها، وقال في تصريح خاص : في الحقيقة لم أشاهد فيديو حنان، ولكنها تعيش حياة سعيدة حاليًا بعيدًا عن الفن، وليس لديها نية للعودة من جديد، ولم تحدثني في هذا الأمر أو تأخذ رأيي في أن تعود للتمثيل أم لا.
وقالت حنان في الظهور الأخير لها : استحملوني واستحملوا صوتي لأن عندي دور برد، وكان مفروض أطلع من الأسبوع اللي فات أقول الكلام ده، وتابعت : عايزة أشكركم وأشكر أسرتى اللي وقفت جنبى وقت مرضى، وكل أصدقائى اللى بيسألوا عليّ، ودكتور أشرف زكي كان بيكلمنى وبيطمن عليّ، وبشكر الجمهور اللى بدعواته الحمد لله بقيت أحسن بكتير وكويسة جدًا، ومش عارفة أشكركوا على إيه ولا إيه، وسعيدة إنى معاكم وانتوا وحشتونى جدًا.
كما طلبت من جمهورها أن يساندها قائلةً : عايزاكم تساعدونى على أى حد بيتكلم باسمى، أنتوا اللى تقفوا لأنكم عارفين حنان ممكن تقول إيه ومتقولش إيه، لأن كان في صفحات كتير بإسمى بيتكلموا فى الدين وفى السياسة، وأنا مليش علاقة بيها وعمرى ما أنزل بوستات بالشكل ده.
