عايدة رياض : ندمت على المشاركة فى الجزء الأخير من ليالى الحلمية ولا أعيش أى قصص حب فى الوقت الحالى
حلت عايدة رياض ضيفة على برنامج سابع سما مع الإعلامية راغدة شلهوب، المذاع على قناة النهار، وكشفت عن أسرار جديدة حول حياتها المهنية والشخصية.
وقالت : لا أعيش قصة حب في الوقت الحالي، وكنت مرتبطة بشخص من جمهوري ومعجبيني، يعيش في الولايات المتحدة الأمريكية، كنت علي تواصل مستمر معه ولم ألتق به، وكان بيسأل عليّ بشكل مستمر ولما بطلع في التليفزيون بيقولي كنتي أمورة ولذيذة وأنا بفرح بالكلام ده.
وأضافت : بس أنا عملتله بلوك وهو أكيد زعلان مني، لأنه جه مصر كذا مرة وأنا بسبب ظروف شغلي ماعرفتش أقابله وهو مكنش بيقدر ده ومش مقتنع إني مشغولة للدرجة دي، وفاكر إننا فاضيين ومفيش شغل ولا أمراض، ولو رجع مش عارفة إذا كنت هقبل أقابله ولا لأ، بس ممكن.
وأضافت عايدة رياض عن فكرة زواجها أو ارتباطها مرة أخرى : أنا لو هرتبط بشخص لازم يكون أصغر مني، مش في سني لأني كبيرة.
ومن ناحية أخرى، أشارت عايدة رياض خلال لقاءها إلى أنها ندمت على المشاركة في الجزء الأخير من مسلسل ليالى الحلمية وقالت : المسلسل سيء جدًا كتابة وتمثيلًا وفكرة، لكنه لم يشوه تاريخ ليالي الحلمية في الأجزاء السابقة، وتابعت : رشحوني للمسلسل ومكنتش أعرف إن لوسي اعتذرت عن الدور بسبب رغبتها في زيادة الأجر.
