عمر متولي : يوسف معاطي رشحني لـ رمضان مبروك وكنت بعمل نفسي تقيل مع سيرين عبدالنور
حل كل من عمر مصطفى متولي وطارق الإبياري وفتلة ضيوفًا على برنامج هنيدي شو، الذي يقدمه محمد هنيدي على قناة المحور، وتحدثوا عن كواليس مشاركتهم في فيلم رمضان مبروك أبو العلمين حمودة.
وقال عمر مصطفى متولي : التمثيل ماكنش في دماغي، وفي الجامعة قررت أشتغل في التمثيل، وكنت بكلم الأستاذ يوسف معاطي قال لي أنا بكتب فيلم وأنت هتعمل ابن وزير الداخلية، وبعدها شوفتك أنا ومحمد إمام في شارع جامعة الدول العربية، وقولتلك أنا معاك في الفيلم الجاي، وبعدها بدأنا نحضر للفيلم، ومن الكواليس التي لا أنساها هو إني كنت بعمل نفسي تقيل مع سيرين عبدالنور.
وقال طارق الإبياري عن مشاركته في الفيلم : كنت بعشق كل مسرحيات هنيدي وبحب عفروتو وحزمني يا جدًا وحافظهم بالكامل، وكنت بحاول أشتغل في التمثيل، والأستاذ يوسف معاطي رشحني أشتغل معاه في الفيلم، وكنت هعمل دور ابن وزير الداخلية لكن عمر مصطفى متولي عمل الشخصية دي لأنه طويل، وفيلم رمضان مبروك خلى الناس كلها تعرفني.
وقال فتلة، الذي جسد شخصية ابن وزير الصحة في الفيلم : لما عرفتت إني مترشح للفيلم كنت خايف جدًا لاني هشتغل مع محمد هنيدي وده كان حلم ليا، والحمد لله الفيلم كان سبب شهرتي.
