مها الصغير : اتطلقت أنا والسقا مرتين ورجعنا تاني

كشفت الإعلامية مها الصغير عن مفاجأة كبيرة عن حياتها الشخصية، وهي انفصالها مرتين عن زوجها أحمد السقا، وذلك خلال لقاء خاص لها على قناة CutheCrap عبر يوتيوب.

وقالت مها في حديثها : اتجوزت بدري أوي، كان عندي 20 سنة وشايفة ده سن صغير، وأنا والسقا اتجوزنا واتطلقنا ورجعنا واتطلقنا تاني ورجعنا.

وأضافت: في ناس كتير مش عارفة إننا اتطلقنا قبل كده، ولما بقول كده الناس بتتصدم، مع أن في مراحل بيبقى أسلم حل هو الطلاق لينا ولعيالنا.

وعن أسباب المشاكل الزوجية، أضافت : أبويا وأمي كانوا بيدعموني دايمًا في حياتي وكان بيقولوا إن البنت زي الولد، لكن معرفش ليه الراجل بيتحول بعد الجواز لسي السيد، رغم إن البنت عندها طموح زي الراجل، وعندي أحلام إني أشتغل زي ما هو بيشتغل، ويمكن ده حصل لأننا اتجوزنا صغيرين أوي.

وتابعت : في بداية الزواج كنت مطيعة جدًا لكن كان هناك صراع بداخلي، أي أني كنت مطيعة جدًا لكن كانت جوايا خناقة، عارفة لما تكوني بتحبي حد أوي فبتبقي ضايعة، وكنت دايمًا بسكت علشان أتفادى الخناقات.

وعن سبب أول طلاق، قالت: كانت هناك مشاكل كتيرة أوي، وعملت وقفة لأني كنت بسعى لإرضاء الآخر دايمًا، وفي الآخر محدش بيرضى وبيدوسوا عليكي أكتر، وده كان بعد ما خلفت أولادي التلاتة، ووقتها حصلت خلافات بيني وبين أبويا، رغم إنه كان هو اللي بيدعمني في البداية، وحصل الطلاق الأول لأني كنت فعلا بعاني.

الجدير بالذكر أن أحمد السقا تزوج من مها الصغير في عام 1999، بعد قصة حب كبيرة، وأنجبا ثلاثة أبناء هم حمزة ونادية وياسين، وظهروا سويًا لأول مرة في مهرجان الجونة السينمائي، في أكتوبر الماضي.