محمود سعد : محمد رمضان مغرور وأنصحه بالاعتذار لأسرة الطيار وحلا شيحة شافت كوابيس قبل قرار ارتداء الحجاب

وجه الإعلامي محمود سعد نصيحة لـ محمد رمضان، بعد حالة الجدل التي أثيرت في الفترة الماضية، خاصة بعد إعلان حصوله على الدكتوراه الفخرية من لبنان، ومنحه لقب سفير الشباب العربي. 

وجاءت نصائح محمود سعد لـ رمضان من خلال برنامجه ونس عبر موقع يوتيوب حيث نشر فيديو، قال خلاله : صلح مشكلة الطيار روح للعيلة واعتذر، ومتخليش الحياة تغرك، خلي بالك في ناس بتحبك، أنت لسه صغير وبتمثل كويس، أعمل حفلات واتبسط، وحافظ على نفسك أنت صغير لسه .. اللي عملته غلط صلحه.

وتابع : محمد رمضان مغرور، أهدأ وأصلح أخطائك، أعتذر عن حكاية إسرائيل، وأذهب لأسرة الطيار وقدم لهم الولاء والطاعة حتى يرضوا، هو ده البني آدم الجليل، لو عملت كده هتلاقي حياتك بقت أجمل، وهتلاقي نفسك نفسيًا بقيت أحسن. 

وأضاف : أنا معرفش والدتك ولا أعرف هتقولك أيه، وأقعد جنب والدتك وشوفها هتقولك ايه، وأعمل اللي تقولك عليه، هتلاقي حياتك اختلفت، الحياة مش جوايز وفلوس فقط، أنا جربت حب الناس لكن مش قدك، أنا قليل وأنت جربت هذا الكبر بشكل أكبر مني، لكن الصغير ده بالنسبالي بالدنيا.

واستكمل : عندك 25 سنة وكنت بتاخد 30 مليون جنيه، فريد شوقي مخدش الأرقام ديه، وده يلخبط بلد، محمد رمضان ابننا وأنا مش مبسوط باللي حصل، وبتمنى له حياة سعيدة، وهذا من باب النصيحة له.

كما تحدث الإعلامي محمود سعد عن علاقته بـ حلا شيحة والتي بدأت منذ سنوات طويلة حيث قال : ذات يوم هاتفتني والدة حلا شيحة وأبلغتني بنيتها في ارتداء الحجاب وطلبت مني معرفة السبب، فأسرعت إليها وتحدثنا ما يقرب من 6 ساعات. 

وتابع : حكت لي إنها شافت أحلام كتير وكوابيس وحاجات بتستدعيها ولقيت إنها حاسه جدًا موضوع الحجاب بشكل 100% وخرجت قولت لمامتها سيبيها هي هتلبس الحجاب دلوقتي، لأنها عايزة دا من جواها.