أحمد حلمي يكشف كواليس حبه وزواجه من منى زكي في «صاحبة السعادة»
حل اليوم أحمد حلمي، ضيفاً في أولى حلقات الموسم الجديد من برنامج «صاحبة السعادة»، الذي تقدمه الإعلامية والمنتجة إسعاد يونس، المذاع عبر قناة «دي إم سي»، والمعروف عن حلمي قلة ظهوره إعلامياً و خاصة في برامج الـ «توك شو»، ليعد بذلك إلى الظهور بعد سنوات من الغياب التلفزيوني.
وقال حلمي عن أول لقاء جمعه بمنى زكي وبداية قصة حبه لها : أول ما ادتني رقمها تليفونها ضاع، ونزلت أدور عليه في المكان اللي قالتلي أنه ضاع فيه، وبعدها لقيته وأحضرته لها بقينا أصحاب، وكنت خايف أقول أي حاجة عشان مخسرهاش عشان هي كانت نجمة وأنا لسه في بدايتي، لحد ما كانت هتسافر جنوب إفريقيا عشان تصور فيلم «أفريكانو»، قلت لازم أقولها قبل ماتسافر، وخدتها في مركب ومرة واحدة بدون مقدمات قولتها بحبك، قامت جريت في المركب بعيد عني، ومقالتش أي حاجة.
وتابع : بعدها سافرت من غير ما ترد أو تتكلم في الموضوع، قلت مش هسكت وأنا عايز أبعتلها ورد و بعتلها ورد من الدقي لجنوب افريقيا، وحظي إن كل يوم كان حد من معجبيها بيبعتلها ورد لحد مكلمتها قولتها هو الورد عامل إيه، وفهمتني الموضوع وقولتها أنا ببعت ورد كل شوية، لحد ماخدت بالها من الورد وفهمت، وقتها فتحت معها الموضوع وقالت لي : وأنا كمان بحبك.
