رامي صبري يعلن طرح ألبومه الجديد النهايات أخلاق يوم 5 يناير
كشف رامي صبري موعد طرح ألبومه الجديد النهايات أخلاق، على جميع منصات الموسيقى، والذي كان يحضر له خلال الفترة الماضية.
موعد طرح ألبوم النهايات أخلاق
وكتب رامي عبر استوري حسابه بموقع انستجرام : 5 يناير على جميع منصات الموسيقى ألبوم النهايات أخلاق.
وأحيا رامي صبري، حفل موسم رأس السنة في إحدى فنادق القاهرة الكبرى، وسط حضور عدد كبير من جمهوره
وسبق وعلق رامي على الأحداث الجارية في غـ زة، والانتقادات التى توجه لبعض الفنانين، بسبب استمرارهم في إقامة الحفلات وطرح أغنيات جديدة في ظل تفاقم الأزمة بفلسـ طين، وقال خلال بث مباشر له عبر حسابه الرسمي بموقع إنستجرام، معلقًا: الكومنتات اللي بتقول أنت بتغني إزاي وفلسـ طين بتتضرب، يعني إحنا مش هنفضل قاعدين بناكل وبنشرب وبننام، فهي بس الناس اللي بتكتب الكومنتات دي مش فاهم بتكتبها على أساس إيه؟، ده شغلنا ودي عقود كاتبنها، ومنقدرش إننا منشتغلهاش.
وأضاف رامي صبري: مش ببقى فاهم أوي الناس اللي مش عايزانا نغني ونشتغل، وبزعل لما بلاقي الناس بتفكر كدة، لكن معنديش حاجة أعملها، فلسـ طين على فكرة بتتضرب من قبل ما إحنا نيجي الدنيا، وإحنا هنعمل إيه، بنعمل اللي علينا وممكن مثلا نغني لفلسـ طين وندفع فلوس وكل حاجة عشان نتضامن، لكن نوقف شغلنا لا.
واستكمل : بكبر دماغي، والناس اللي بتقول بتشتغل ليه يا فنان وفلسـ طين بتموت، ما فلسطين طول عمرها بتموت، مش فلسـ طين بس، لا كل البلاد زي البوسنة، فنموت إحنا كمان عشان نبقى كويسين من وجهة نظركوا؟ مش هو ده التضامن، ما أنا ممكن أعمل حفلة وأتبرع بيها لفلسـ طين.
علاقة رامي صبري بزوجته
وسبق وتحدث عن علاقته بزوجته، خلال لقائه ببرنامج صاحبة السعادة، الذي تقدمه إسعاد يونس، على شاشة dmc، وعلق قائلا : تزوجت بعد الثورة وكنت خلصت فلوسي كلها ومفيش إنتاج ومفيش شغل جديد، ولكني لم أكن أحسب هذه الأمور ومعملتش فرح، وزوجتي شيرين هي نصفي الثاني الحلو في هذه الحياة، وهي الوحيدة التي تتحمل طريقتي وعصبيتي، حيث كانت تنزعج مني في الكثير من الأحيان ثم تعود للحديث معي مجددًا، ولكن على المستوى الفني كل الأغاني اللي مش بتعجبها لي بمجرد ما أنزلها بتكسر الدنيا.
