إلهام شاهين : أنا محاربة بطبعي وبحب أدافع عن السينما والفن وبلدي الحبيبة مصر

عبرت إلهام شاهين عن سعادتها بالتكريم من مهرجان الإسكندرية السينمائي لدول البحر المتوسط، والذي بدأت فعالياته أمس الأحد.

وقالت شاهين خلال كلمتها على خشبة المسرح : النهاردة حاسه أني عروسة وصاحبة الفرح، وبرحب بكل الضيوف وكل المعازيم، وكل زمايلي وأساتذتي من الفنانين، وبقول للمكرمين كلهم ألف مبروك وبتمنى للكل التوفيق.

وتابعت : الفن أجمل حاجة في حياتي وأعطاني المكانة والقيمة والثقة في الناس، وأفلامي اعتبرهم أولادي، وبشكر كل جمهوري اللي شجعني طول عمري ووقف معايا دايما.

وأضافت : أنا مدافعة ومحاربة بزيادة وبدافع من كل قلبي عن السينما والفن بشكل عام، وبدافع عن بلدي اللي بحبها أوي ومسمحش لأي حد يقول أي كلمة أو يقرب لحظة منها، مصر بلد كبيرة ولازم كلنا نقول تحيا مصر.

واستكملت : متصورش الحياة من غير الفن، وأنا بحبه وأعطيته من قلبي واديته كل عمري، والنهاردة بقول إني عروسة السينما، وقدمت حوالي 100 فيلم، يعني أنا عندي أكتر من 100 ابن بحبهم من كل قلبي واديتهم من روحي ومن قلبي ومن تفكيري ومن جهدي وفرحانة بيهم، وتكريمي تتويج لتاريخي الفني كله.