حمو بيكا لـ لميس الحديدي : أنا وأمي اعتذرنا لهاني شاكر .. أعمل إيه تاني؟!
قال حمو بيكا تعليقاً على أزمته مع نقابة الموسيقيين وصدور أمر بضبطه وإحضاره: «الفترة اللي فاتت ما كنتش قاعد في بيتي خوفا من القبض علي بعد ما نقابة الموسيقيين عاملتنى أسوأ معاملة ومش عارف أروح اشتغل فين؟».
وأضاف في مداخلة هاتفية لبرنامج «القاهرة الآن»، الذي تقدمه الإعلامية لميس الحديدي على شاشة العربية الحدث: «أنا رحت النقابة عشان أخد حقي بس، ولفيت 8 ساعات عشان أخد تصريح للشغل .. لم أتهجم على النقابة وماليش أي سابقة في أي قسم شرطة وما فعلته كانت مجرد ساعة غضب».
وواصل: «أنا اعتذرت للأستاذ هاني شاكر على اليوتيوب، وفي التلفزيون وفي كل منصات التواصل الاجتماعي وأمي اعتذرت له، مش عارف أعمل إيه تاني. أنا شغال عادي وبمارس الغنا وعندي ملايين بيسمعوني، صحيح منعوا حفلاتي بس أنا دلوقتي بغني في الاستوديو بتاعي».
وتعليقاً على محتوى الأغانى التي يقدمها اختتم: «أنا بقدم محتوي كويس وصل لكل الناس والناس بتحبه والوحيد اللي اتعمل له محضر في النقابة هو أنا والباقي كله بيشتغل وبيعمل حفلاته ومش بقدم فن هابط زي مابيقولوا».
