محسن محي الدين : بعض النجوم بيستغلوا التريند لرفع أجورهم والسوشيال ميديا طلعت أوحش ما فينا
تحدث محسن محي الدين عن كواليس مسلسله الأخير طير بينا يا قلبي، خلال لقائه مع برنامج الراديو بيضحك، الذي تقدمه فاطمة مصطفى على قناة 9090.
وقال محسن محي الدين : العمل حقق نجاحًا كبيرًا جعل الجمهور يطالب بتقديم جزء ثان منه، مضيفًا : ريم مصطفى بنت بلد وجدعة، ومعندهاش إحساس النجومية الزائفة، وكل الناس بتحبها وعاملة حالة لطيفة وبكون سعيد لما بشوف نجم مش حاسس بنجوميته.
وتابع : بسمة موهبة عالية جدًا وقدمت دورها في طير بينا يا قلبي بشكل متزن، والعمل ناقش عدد من القضايا المهمة التي تهم الأسرة المصرية منها التعليم.
وأضاف : مش بحب السوشيال ميديا، ولا أقرأ اللي بيتكتب فيها، لأنها بتطلع أوحش حاجة فينا، ومن ورا الشاشات بنشوف أفعال وكلام مش لطيف، وللأسف بعض الفنانين بيستغلوا حياتهم الشخصية ويطلعوا يقولوا شوفوا عربيتي، علشان يعملوا تريند وأجرهم يزيد لما يكون في إقبال عليهم.
وأشار محسن محي الدين أنه في الفترة الحالية يصور مشاهده في الجزء الثاني من مسلسل ريفو، وقال : أمير عيد لديه إحساس عالي في المزيكا، وكان من أحد أسباب نجاح الجزء الأول من المسلسل.
