شيرين عبدالوهاب : حسام حبيب مرفعش عليا السلاح ومعرفتش أحوش فلوس غير لما أتجوزته

تتفاعل شيرين عبدالوهاب مع متابعيها عبر خاصية Ask على ستوري إنستجرام في الفترة الأخيرة، حيث أجابت على العديد من أسئلة محبيها بالأمس عن حياتها الشخصية والفنية والعديد من الأمور.

وعند سؤالها عن طليقها حسام حبيب، كتبت : حسام طبعا مرفعش عليا سلاح، إزاي يتقال كده ؟ ودي شهادة هتسأل فيها قدام ربنا، وعمره ما خد مني فلوس أو استغلني ماديا، بل بالعكس تماما، أنا معرفتش أحوش فلوس ليا غير لما أتجوزته، والصراحة كان بيحافظ على فلوسي.

وعن رأيها في أزمة آمال ماهر الأخيرة، ردت : الموضوع حساس جدا ومقدرش أتدخل في موضوع خاص زي ده، بالذات إن أنا كمان أتأذيت في حياتي الشخصية، واتقال عليا كلام غلط كتير، بس آمال ماهر لو طلبت عيني أديهالها، والكلام اللي بيتقال في موضوعها ده ملوش إثبات، خصوصا أن أهلها قالوا إن مفيش مشاكل وآمال زي الفل، والنقابة كمان أكدت كلام أهلها.

وعن وجود خلاف بينها وبين سعد لمجرد، قالت : بالعكس أنا بباركله على الدويتو الجديد مع إليسا، وعن رأيها في بهاء سلطان كتبت : مفيش أعظم من كده، وعن أحلام تابعت : دي فنانة جميلة وأم عظيمة ربنا يخليها لمعجبيها وولادها وجوزها.

وعند سؤالها عن ندمها على دخول الفن، أجابت : بصراحة ساعات بندم بس مش ندم له علاقة بالفن، لكن عشان المشاكل اللي بتيجي بسبب الشهرة، وكل مجال له إيجابياته وسلبياته.