شهيرة تكشف تفاصيل الليلة الأخيرة لـ محمود ياسين : كان بيسلم علينا بالإسم وخفت أزوره بسبب مرضى

كشفت شهيرة تفاصيل الليلة الأخيرة في العناية المركزة لزوجها الراحل محمود ياسين خلال فترة مرضه قبل وفاته، قائلة: عمرو أول ما دخل عليه كانوا مقعدينه وقاله يا عمورة، فـ عمرو فرح أوي لأنه كان بقاله كتير مدلعهوش.

وتابعت شهيرة خلال لقائها ببرنامج معكم منى الشاذلي: عمرو كلمني وقالي كلمي بابا بسرعة عشان اطمن علي واسمع صوته، لإن الفترة دي كان في الحالة الحرجة، فكلمته قولتله زي ما أنا متعودة ازيك يا حبيبي يا روحي، فقالي ازيك يا روح قلبي، فقولته أنت عارف مين اللي بيكلمك قالي أكيد، وقولتله أنا مش عارفة أجيلك عشان عندي برد وخايفة تتعدي مني.

وأضافت : في وداعه كان بيسلم علينا بالإسم وفاكرنا كلنا، ولما تم تشخصيه بمرض تصلب الشرايين لم يتأثر وكان عنده ثبات، ولم يتعامل بفزع مع الموضوع، والدكتور قالي بيني وبينه إنه مستغرب أن محمود يجيله تصلب شرايين قوي كدة رغم أنه سنه صغير.

وتحدثت عن أخلاقه وعلاقتها به خاصة عندما كان يحدث بينهما خلاف، قائلة: دايما لما كنت أبقى زعلانة منه كان بيقولي مفيش زي أخلاق محمود ياسين في الدنيا.