بيومي فؤاد : مش بحب أدوار البطولة وأحمد فهمي أكتر ممثل بيضحكني

حل بيومي فؤاد بصحبة هالة صدقي ضيفين على برنامج أحلى كلام الذي يقدمه أحمد فهمي على قناة الحياة، وتحدثا عن آرائهما في بعض الأمور الفنية، ,والمواقف الكوميدية التى مرا بها، وأسرار مسيرتهما  الفنية.

وقال بيومي : مش بحب أدوار البطولة خالص، واعتذرت عنها فى 2019 بس هعمل بطولة قريب، وبفضل الدور التاني،  لكن المشكلة أن المخرجين لما بيلاقوا دور تاني حلو مش بيعرضوه على الأبطال عشان شايفين أنهم هيرفضوا ومش كلهم كده.

واستكمل : في موقف مريت بيه مش هنساه، لقيت حد من الجمهور بيتصل عليا معرفش جاب رقمي منين، وكان في السينما بيتفرج على فيلم ليا، وكلمني قالي إيه القرف ده، ورديت قلت له أنا آسف جدا، وكان عنده حق فعلا وقتها.

وأضاف : أحمد فهمي أكتر ممثل بيضحكني، واعتبر أحمد مكي قدوتي في الكوميديا، والمخرج محمد ياسين أكثر من أخرج مني شيئا مختلف في عملي، وأتمنى العمل مع أحمد حلمي مجددا في عمل جديد، وفي الغناء أحب شادية جدا لأنها ممثلة ومطربة رائعة.

وعن أحمد زكي قال : كان نفسي أمثل معه، لكنه مات قبل أن يكمل دوره في فيلم حليم، وكمله بعدها ابنه هيثم.

وتابع : أحمد زكي كان يمثل الكثير لي، وكنت من عشاقه وأحرص على حضور كواليس تصوير أعماله منها فيلم مستر كاراتيه حيث كان يتم تصوير مشاهده في منطقتي الزمالك، وأكثر عمل أحبه له فيلم زوجة رجل مهم.