سميرة أحمد : عمري ما غيرت من سعاد حسني واستقبلت جثمانها في المطار وهى راجعة من لندن

حلت سميرة أحمد، ضيفة على برنامج صاحبة السعادة، الذي تقدمه إسعاد يونس عبر قناة dmc، وكشفت عن أسباب غيابها عن الساحة الفنية، وذكريات طفولتها، وبداية مشوارها الفني، كما تحدثت عن ذكرياتها مع الراحلة سعاد حسني، والمواقف التي جمعت بينهما.

وقالت سميرة : فوجئت بترشيحي للمشاركة في بطولة فيلم البنات والصيف أمام عبدالحليم حافظ، وكان فيه إعلانات كثيرة للفيلم، وكنت فرحانة جدًا وقولت أنا هعمل دور البطولة مع عبدالحليم بقى، ولما أخدت السيناريو عرفت إني هعمل دور شغالة، واتضايقت ورميت الورق.

وتابعت : بعدها قالولي اختاري الدور اللي عايزاه، وقريت الدورين واخترت فتحية الشغالة بعدها وكان من أحلى الأدوار، والكاتب الكبير إحسان عبدالقدوس قال إني عملت الدور أحسن مما هو كتبه، وده بسطني جدًا.

وعن علاقتها بسعاد حسني، قالت : مكنش في غيرة نهائي بيني وبينها، وكنت بحبها جدًا، وكانت فنانة شاملة بتقدم الكوميديا والرومانسية وبتغني وكمان كانت جارتي، وكنت بحب أقعد أتفرج على مشاهدها مع عبدالحليم، وكنا بنسافر إسكندرية سوا ومعانا زيزي البدراوي وبنخرج كتير، وسألت زيزي البدراوي ماتت إزاي، وكنت في المطار لحظة وصول جثمانها من لندن، وأنا عمري ما هغير منها.