سمير صبري : بقالي سنة ونص بتعالج على حسابي لحد ما بعت اللى قدامى واللى ورايا
عبر الفنان القدير سمير صبري عن شكره وامتنانه للرئيس عبدالفتاح السيسي بعدما أمر بعلاجه على نفقة الدولة، ونقله لإحدى مستشفيات القوات المسلحة، حيث قال : أتلقى عناية صحية لم أرها في حياتي من قبل، أعظم الأطباء هنا يزوروني كل 10 دقائق، من ساعة ما جيت المستشفى وحالتي الصحية بقت أحسن، وإزاي مبقاش أحسن وأنا رئيس الجمهورية هو اللي أمر بعلاجي، ربنا يخليه.
وأضاف صبري خلال مداخلة هاتفية ببرنامج 90 دقيقة مع الإعلامية بسمة وهبة، المذاع عبر شاشة المحور : هي حاجة بسيطة إن رئيس بلدك بيهتم بصحة مواطن بسيط، مش سمير صبري، أنا بشوف أنه بيهتم بالست اللي بتبيع في الشارع، هو ده رئيس مصر، وأنا بقالي سنة ونص بتعالج على حسابي، لحد ماللي قدامي واللي ورايا راح.
وأشار سمير صبري إلى أنه يحتاج إلى حوالي 3 أيام لمعرفة طبيعة حالته الصحية والعملية التي من المقرر أن يخضع لها خلال الأيام القادمة، ووجه كذلك الشكر لكل من سانده ووقف بجانبه من أصدقائه بالوسط الفني، وجاءت رسالته لجمهوره قائلاً : مش عارف أقول لكم أيه على كل الحب اللي ماكنتش متخيله اللي بتحبوه لي.
