مي سليم : أنا وشقيقاتي رفضن نعمل زى كيم كاردشيان وأخواتها
أكدت مي سليم أنها وشقيقاتها ميس ودانا حمدان تراجعن عن تقديم برنامج واقعي، على طريقة كيم كاردشيان وشقيقاتها.
وقالت مي خلال حلولها ضيفة على برنامج كلمة أخيرة مع لميس الحديدي علي قناة ON : البرنامج الواقعي في المجمتع العربي، يجب أن يكون دقيقًا، وإحنا خفنا لأننا مجتمع شرقي متحفظ وخجول، وبعد اختيار فكرة البرنامج تراجعنا عن الفكرة، رغم أننا حققنا نجاح كبير من خلال برنامج Sisters Soup، والذي تم طرحه على مدار 3 مواسم.
وأجابت مي عن سؤال لميس بشأن حظها السئ مع الرجال وقالت : مش عايزة أقول حظى مش حلو، ويمكن علشان كنت صغيرة فكانت الاختيارات مش مظبوطة أو يمكن قدر أو مكتوب عند ربنا، وأنا ماكنتش موفقة فعليا فى تجارب الزواج وبسأل نفسى دائما ليه ماكنتش موفقة.. وده حصل وأنا صغيرة جدا.
وأضافت : لم أستمر فى زواجى الأول إلا فترة صغيرة، وأنجبت ولذلك تحملت المسئولية بدرى، والشغل أمر مهم لأنه مصدر دخل لى، وعلشان كدة فضلت فترة طويلة حياتى عبارة عن البيت وبنتى والمسئولية فقط، والحمد لله أحوالى المادية حاليا أفضل.
وعن نيتها فى خوض تجربة الزواج قالت مي : أنا دلوقتى نضجت أكتر وبقيت واعية ومافيش وقت للغلط تانى، والموضوع ده نصيب من عند ربنا، ولازم أفكر كويس أوى علشان أنا دلوقتى معايا طفلة، ولازم اللى هيكون موجود فى حياتى يحب بنتى جداً بشكل حقيقي.
وعن مواصفات شريكها القادم قالت: أهم حاجة يبقى بيراعى ربنا فى كل التصرفات وخايف عليا وبيحبنى بجد.
