غادة عادل : رفضت شورت وفانلة وكاب وأفلام رومانسية كتير بسبب غيرة مجدي الهواري

اجتمعت غادة عادل مع طليقها المخرج مجدي الهواري، في أول جلسة مصارحة لهما سويًا، وذلك عبر برنامج بصراحة مع، الذي يعرض على قناة mbc، وتحدثا خلال اللقاء عن حياتهما الزوجية وبدايتهما الفنية.

وقال الهواري : الناس فاكرة إني أنا اللي اكتشفتك، وميعرفوش إن أنتي الي اكتشفتيني، لأني لما كنت منتج في الأول كنت مؤمن بموهبتك، والناس وقتها كانوا شايفين إنك مبتعرفيش تمثلي، وكنت بقولهم إني مؤمن بيكي وشايف فيكي الموهبة، ولما بدأتي تاخدى الجوايز الناس بدأت تقول الفنانة غادة عادل وزوجها المخرج.

وردت عليه غادة قائلة : من كتر ما كنت بتحبني وبتغير عليّ، كنت بتحدد أعمل إيه ومعملش إيه، حسب ارتياحك النفسي، وده خلاني مطلعش كل اللي جوايا، رغم إن الفترة دي كان بيتعرض عليّ فيها أفلام كبيرة زي شوت وفانلة وكاب، وأنا دلوقتي بدأت أعمل الأفلام اللي نفسي أقدمها، وفي أفلام قدمتها معاك لما بشوفها بقفل التلفزيون لأني مش بحبها.

وعن النصيحة التي توجهها لأبنائها قالت : الحياة بين أي شخصين متزوجية أو مخطوبين، لازم يكون في مساحة لكل منهم، وأنا بحسد الراجل لأنه حر يقدر ينزل ويغيب عن بيته يومين، وأتمنى يكون الطرف التاني يحترم رغبات شريكه في الحياة، ودي أكتر نصيحة أقدمها لأولادي.

بينما قال الهواري : علشان يبقى في استقرار لازم يكون بيننا تشابه وحاجات بينا شبه بعض، الحب ممكن يروح، لكن الكيميا مش ممكن تروح، لأننا وقتها هنكون بنفكر زي بعض.