سمير صبري : محمد رمضان ينقصه ذكاء فني زي شيرين عبد الوهاب تغني لكن متتكلمش لأنها بتقول كلام ميتقالش

كشف الفنان الكبير سمير صبري خلال حلوله ضيفا على برنامج رأي عام، مع عمرو عبدالحميد، علي قناة ten عن رأيه فى محمد رمضان، وقال : رمضان فنان جيد، لكنه لا يستطيع أن يتعامل مع موهبته صح، كما لا يستطيع توظيفها، وينقصه الذكاء الفني، زي شيرين عبدالوهاب، فهي مغنية شاطرة جدا بس ما تتكلمش، لأنها بتقول كلام ما يتقالش.

وبسؤاله عن إمكانية التعاون مع محمد رمضان، أجاب : لا أمانع، لو في عمل مشترك هوافق، وهمضي العقد، ومش عايز فلوس.. أنا دلوقتي مش عايز أشتغل، عندي زهد، ومش عايز أعمل حاجة شبه اللي اتعملت قبل كده، لكن الفن في الدم، ولو فيه ورق كويس هعمله، حتي لو كان مشهد واحد، أو برنامج تعجبني فكرته.

وأكد سمير صبري، أن جيله كان محظوظا جدا، لأنه استفاد من نوابغ الشعراء، المخرجين، المطربين، والفنانين.

وكان سمير صبري قد لفت الأنظار مؤخرا فى حفل افتتاح مهرجان القاهرة السينمائى الدولي، خصوصا بعد أن سلم النجمة الكبيرة نيللى ودخلا معا فى وصلة مزاح تناقلها رواد السوشيال ميديا.