أحمد فهمي : المرض غير نظرتي للحياة وعلاقتي بـ أحمد حلمي اتصلحت من زمان

واصل أحمد فهمي حديثه في الجزء الثاني من لقائه مع برنامج حبر سري، الذي تقدمه الإعلامية أسما إبراهيم، وتحدث اليوم الجمعة عن أعماله الجديدة وأصدقائه وحياته الشخصية.

وقال في بداية حديثه عن توقعاته لرئيس النادي الأهلي المتوقع على المدى البعيد : أتوقع أن يتولى حسام غالي رئاسة النادي لأن شخصيته قوية ويحب الأهلي بجد، لكن الخطيب هو من سيفوز في الانتخابات المقبلة، وتابع : موسيماني واخد بطولات كتير لكن إحنا جمهور مش بيحب الخسارة، لكن بنشكره على البطولات دي.

وعن تأثير المرض على شخصيته الفترة الأخيرة أضاف : غير نظرتي للحياة وخلاني أحس إن مفيش حاجة مستاهلة وإني لازم أتقبل الأمور ببساطة، لأن أنا عندي 40 سنة ومش هعيش قدهم تاني.

وعن سبب انتقاده لتصريحات أحمد زاهر لرفضه تقديم بناته مشاهد جريئة قال : أنا مسمعتش تصريحاته، لكن دي وجهة نظره ولا يمكن أن نقول أنها صحيحة، وأنا متحطتش في موقف طلب مني فيه تقديم مشاهد جريئة، وممكن دلوقتي أرفض وبعد سنتين أغير موقفي، وعن الأدوار التي يتمنى تقديمها بعيد عن الكوميديا قال : عملت العارف ودلوقتي بعمل السفاح وفي أعمال تانية بعيدة عن الكوميديا.

وتابع : لا يوجد خلاف بيني وبين أحمد حلمي بسبب فيلم كده رضا، وعلاقتنا اتصلحت من زمان، وفهمت وجهة نظره بعد سنين لأن سني وقت الأزمة كان 26 سنة، ودلوقتي بقى عندي خبرة أكتر.