والد ياسمين صبري عن عدم حضورها زفاف شقيقها : الفلوس بتغير النفوس ومش متخيل إن فيه جحود كده

علق الدكتور أشرف صبري، والد الفنانة ياسمين صبري، على عدم حضور ابنته لحفل زفاف شقيقها، وذلك فى مداخلة هاتفية لبرنامج حضرة المواطن.

وقال صبري : ابنى كان حزين جدا، وكل يوم بيقولي ليه إخواتى بيعاملونى كده، وأنا شخصيا مش متخيل أنه يكون فى إنسان جاحد بالشكل ده.

وواصل حديثه ليقول : مش عارف ليه محضرتش فرح أخوها، أنا شوفت ابني بيبكي وبيقول ليه يعملوا فيا كده؟ ده أنا بحبهم، ووقتها حسيت إني عاوز أكسر الدنيا، مضيفا عن سبب تغير معاملة ياسمين صبري لعائلتها بقوله : هى الفلوس وكترها ممكن تغير النفوس للناس لتلك الدرجة.

ولم تكن هذه المرة الأولى التى يهاجم فيها أشرف صبري ابنته ياسمين، بعد تأكيد غيابها عن حفل زفاف شقيقها، حيث سبق وكتب عبر صفحته الرسمية على فيسبوك : فرح ابني بكرة ربنا رزقه بأجمل عروسة، أما إن أمه وأخواته الأشقاء رفضوا حتى يباركوله، فربنا رزقه بأم تانية عملت كل حاجة، وإخوات تانيين لم تغرهم الأموال ولا طيارات وكدب وخداع، أصبح لابني إخوات جدد وأم جديدة، حفظه الله من الشياطين.