مؤلف فيلم زهايمر : سعيد صالح لم يكن مريضًا أثناء تصوير الفيلم وراجعت مشهده بنفسي مع الزعيم
نشر السيناريست نادر صلاح الدين مؤلف فيلم زهايمر، عبر صفحته الشخصية على موقع فيس بوك رداً على الشائعات المتداولة في الآونة الأخيرة عن المشهد الذي جمع بين كلا النجمين سعيد صالح وعادل إمام والتي رددت أن سعيد صالح كان مريض زهايمر، وقت تصوير الفيلم، وأن المشهد كان ارتجالياً منه دون وجود نص مكتوب.
وقال نادر : للتوضيح بقالى كام يوم بشوف بوستات عن مشهد عادل إمام وسعيد صالح فى فيلم زهايمر، والحقيقة الفيلم ده بالذات ليه معزّة خاصة جدا عندى، بما إنى مؤلف الفيلم، والمشهد ده بالذات برضه ليه معزّة أكتر بما إنه جمع عملاقين وصديقين فى مشهد واحد.
وتابع : الكلام اللى داير طبعا عجيب، وكله بيتكلم على إن سعيد صالح الله يرحمه كان وصل لمرحلة زهايمر كمريض وده محصلش، الراجل كان ساعتها زى الفل وواعى جدا، وأنا حضرت كل اللقاءات التحضيرية وكل أيام التصوير.
وأضاف : وده منتشر برضه إنه مكانش بيحفظ، وإنه ارتجل المشهد كله بكلام مش مكتوب بس مناسب للفيلم، ده على أساس إيه مثلا؟!، إنى كنت كاتب كلام مش مناسب للفيلم؟، طيب ماتراجع كلامه كده وشوف هو مرتبط بالشغل اللى قبله ولا لأ،، طب هو ارتجل التبول اللاإرادي ولا ده حصل إزاى طيب.
واستكمل : شخصية سعيد صالح هى الشخصية الوحيدة فى الفيلم اللى عندها زهايمر، وشخصية محمود كانت كأنها واقفة قدام مراية بتشوف مستقبلها اللى المجتمع عاوزها توصل ليه، وختم حديثه قائلاً : على فكرة أنا مش من الناس اللى بتحب تتصور، علشان كده ماليش صور كتير مع الفنانين اللى اشتغلت معاهم، ولكن بالصدفة الصورة أثناء مراجعة المشهد مع الأستاذين.
