تامر حسني لـ بسمة بوسيل : سلمتي نفسك لشر السوشيال ميديا وأنتي حبيبتي وأم أولادي
خرج تامر حسني منذ قليل عبر حسابه الخاص على إنستجرام، وكشف عن أسباب خلافه مع زوجته بسمة بوسيل، بعد كثير من الأقاويل حول مصير علاقتهما في الأيام الماضية، وذلك بعدما نشرت بسمة بوسيل منذ أيام كلاماً اتضح من خلاله إنهما قررا الأنفال، ويعدان أوراق الطلاق.
ليعلق تامر صباح اليوم من خلال خاصية أستوري على إنستجرام قائلاً : بسمة حبيبتي .. للأسف أنتي مفكرتيش كويس وسلمتي ودنك لشر السوشيال ميديا عشان كام تعليق كلامهم فارغ نسوكي إنك عرفتيني وأنا مشهور ودي طبيعة شغلي اللي عرفتيني وحبيتيني بيها، إزاي وصلوكي للزعل والبعد فترة، المهم أنا مش هزعل منك ولا يرضيني زعلك أنتي حبيبتي وأم ولادي، وأنا ضهرك وسندك مهما حصل، بس اللي عايز أقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول، إيه علاقه الناس بمشكلة شخصية بين اتنين ممكن تتحل بالتليفون أو زيارة رحيمه ما بينهم وياريتها مشكلة اصلاً، ربنا جعل ما بينا مودة ورحمة عشان كدا، للأسف أنتي عارفه إن في ناس في طبيعتهم حب خراب البيوت، ومش هنخلص منهم، بس أنتي اللي هتخلصي من فكرة إنك تسمعيهم، مع إنك مكنتيش كدة.
وأضاف : ياريتك تركزي مع طاقة الناس اللي دعولنا ودعوا لأولادنا بكل خير، وفعلا أنا بشكر كل الناس والفنانين اللي سعوا في الخير لينا، وأنا واثق إنك دلوقتي زعلانة إنك كتبتي كدة، هو تصرف متهور منك بس ولايهمك مش عيب إن الإنسان يغلط ويتعلم وأنا ياما علمتك ولسه هعلمك، كان نفسي الكلام ده يكون بيننا لكن أنتي أشركتي الجمهور الكريم فكان لازم أرد هنا، بيننا حب غالي وحياة كريمة وأولادنا وبيتنا أغلى مافيها ربنا يخلينا ليهم ويخليهم لينا يارب .. متهورة بس بحبك.
