بالفيديو .. رسالة مها وميرفت لعزت أبو عوف في ذكري وفاته الأولي

يحل اليوم 1 يوليو الذكرى الأولى لوفاة عراب الفن وعائلة أبوعوف، عزت أبوعوف، الذي رحل العام الماذي عن عمر ناهز الـ 70 عاما، وبعد معاناة مع المرض في أحد المستشفيات بمنطقة المهندسين.

وتواصل «خبر أبيض» مع شقيقتا الفنان الراحل هما ميرفت مها أبوعوف، وفي البداية قالت ميرفت في تصريح خاص : الله يرحمك يا حبيبي وحشتنا قوي، وبنحاول نتعامل من غير ما تبقى موجود، إحنا مش عايشين كويس من غيرك، وأنا بكلمك كتر قوي وعارفة إنك سامعني ومبسوط ومطمن، وإنت أكيد رجعت زي ما كنت، وإحنا بنحاول نتعامل وكل اللي كنت بتقوله فاكرينه، والناس بيحبوك قوي، وكل ذرة حب منهم تسعدني شخصياً، وأتعشم إنك تكون عرفت قدر حب الناس لك، وأن تكون مُطمئن أن شغلك في الأفلام كل ما قدمته لنا جميل.

وتابعت : كل ما نسمع عبد الحليم ومحمد فوزي ننظر إلى السماء، وكمان إسماعيل يس، وإحنا كما عايز نشوف اللي بنحبهم وإنت في المقدمة، وأنا عايزاك متقلقش علينا وأعرف أن حولنا دائما .. ونعيش ونفتكر.

وقالت مها أبوعوف : رسالتي لـ عزت النهاردة هي .. حبيبي وحشتني وبحبك جداً جداً، وإنت سايب فراغ كبير قوي في حياتنا، بس أنا متأكده إنك في مكان أحسن، وريحتك لسه في الأماكن اللي كنا فيها مع بعض، وعلى طول بنتكلم عنك وبنفكر فيك، بنفتكر أيامنا مع  فرقة «فور إم» ومواقف تصويرنا مع بعض والمواقف الحلوة والضحك والعياط.

وختمت حديثها قائلةً : بندعيلك دايما وهتفضل معانا وهنفضل نفكر فيك لحد ما نتقابل مع بعض، وألف رحمه ونور عليك يا حبيبي.

شاهد الفيديو التالي ..