بصور نادرة مع أمهاتم .. النجوم يحتفلون بعيد الأم على طريقتهم الخاصة
فى مثل هذا اليوم من كل عام نحتفل بعيد الأم، ودائماً ما نجد نجوم الفن يحرصون على مشاركة جمهورهم في هذا اليوم بشر صور تجمعهم بأمهاتهم، تكريماً لأمهاتهم واحتفالاً بهذا الحدث المهم.
نشرت روجينا صورة تجمعها بوالدتها وكتبت عليها : كل سنة وانتي طيبة يا أغلى وأطيب وأحن أم في الدنيا ربنا ما يحرمنيش منك أبداً ومن دعواتك ليا ودايماً حسك في الدنيا، يا أمي يا ست الناس يا ست الحبايب يا أمي.
أما ليلى زاهر ابنة ابنة أحمد زاهر فنشرت صورة لها مع والدتها معلقة عليها : عيد أم سعيد، لأغلى إنسانة عندي، حياتي ربنا يخليكي ليا بحب قوي.
فيما شارك إدوارد صورة لوالدته التي توفيت وهي تدعي وكتب أسفلها : كل سنة وأنتي طيبة يا أمي ربنا يرحمك مش هنسى أبداً وأنتي بتدعيلي كل شوية وصورتك عشان أشوفك دايماً قدامي وأنتي بتدعيلي، وحشتيني قوي.
كما نشر حسام داغر صورة جمعته بوالدته أثناء تكريمه بإحدى الفاعليات علق عليها : آخر صورة ليا معاكي يا ماما وانتي تعبانة وجيتي حضرتي معايا آخر تكريم والمداخلة التليفونية اللي عملتيها مفاجأة ليا، وأنا في برنامج مع نشوى مصطفى، يااه قد إيه صوتك وحشني والدنيا بقت صعبة قوي، من بعدك ومحدش بقى عارف في ايه ربنا رحمك، ويرحمنا جميعاً ان شاء الله برحمته ونلتقي على خير.
وميريهان حسين نشرت صورتها مع والدتها مهنئةً إياها بهذه الكلمات : أمي الحبيبة كل سنة وانتي طيبة يا أطيب قلب في العالم، كل سنة وانتي معانا ومطمنانا إن الدنيا لسة بخير، بوجودك الدنيا لسة بخير، ربنا يخليكي ليا يا حبيبتي طول عمري.
ومنة فضالي نشرت صورتها مع والدتها، داعية لها بالشفاء قائلة : كل سنة وانتي طيبة يا أمي كل سنة وأنا مليش غيرك في الدنيا كل سنة وإنتي معايا وفي ضهري وسند ليا ربنا يديكي الصحة وطولة العمر ويشفيكي ويقدرني أوفيكي جزء من تعبك معايا، إنتي الحب وإنتي الأمان كل سنة وانتي طيبة.
وأيضاً سعد الصغير نشر صورة له وهو يقبل يد والدته معلقاً : وحشتيني قوي يا أمي، كل سنة وانتي طيبة وعمري ما هنساكي أبداً ربنا يرحمك ودايماً معايا في كل حاجة بعملها بالدعاء بتاعك، ربنا يرحمك وتبقي في الجنة ونعيمها يا رب ألف رحمة ليكي يا أمي.
نفس الأمر بالنسبة لمي حلمي والتي نشرت صورتها مع والدتها، وكتبت مداعبةً إياها : دي مش مامتي بس دي صاحبتي وأختي وحبيبتي، بمناسبة عيد الأم فاكرة التبريقة بتاعة لما نروح وقرصة اللباليب والشبشب الطيارة بتاع المذاكرة ومفيش خروج، أيااام بهزر من غير زعل ،كل سنة وانتي طيبة وربنا يخليكي ليا ويخلي كل الأمهات الحلوة ويرحم اللي مش موجودين معانا عشان أصعب شيء في الدنيا حرمانك من أمك ربنا مايحرمناش منهم.
وفي الوقت ذاته نشرت سيمون صورة تذكارية لها وهي طفلة برفقة والديها وكتبت : كل سنة وانتو طيبين ومبسوطين لحد ما أجيلكوا.
والنجمة اللبنانية يارا نشرت صورتها مع والدتها وكتبت عليها تعليق من أغنيتها «أمي» : يحكى أن هناك سعادة أسميتها أمي، أمي ثم أمي لحد آخر يوم في عمري، صباحي يومي وكل أيامي أمي كل عام وأمهاتكم بألف خير، ومنصلي للأمهات اللي فقدناهم، من هالحياه والله يرحمهم.
نفس الأمر بالنسبة لنجمة مسرح مصر ويزو والتي نشرت صورتها برفقة والدتها وكتبت : كل سنة وانتي طيبة يا أحلى وأجمل وأحن أم في الدنيا بحالها، ربنا يخليكي ليا ومايحرمناش منك يا ست الكل، كل عيد أم وكل الأمهات بخير وطيبين ويخليكوا لأولادكوا، وربنا يديكوا الصحة العافية ودايماً تبقوا مصدر الأمان والحنان والسعادة لينا.»
وبنفس الطريقة احتفت إنجي علي بوالدتها حيث نشرت صورة تذكارية لها طفلة برفقة والدتها معلقة : كل سنة وكل أمهاتنا بخير وصحة وسعادة ربنا يبارك فيهم، ويحفظهم من كل شر.
واحتفل أحمد زاهر بعيد الأم على طريقته، حيث نشر صورته مع والدته معلقاً عليها : كل سنة وانتي طيبة يا ست الكل يا أغلى أم في الدنيا، ربنا يحفظك ويخليكي ليا، وميحرمنيش منك ولا من دعواتك، اللي أنا عايش بيها لحد دلوقتي، بحبك يا أمي.
محمد نور نجم فريق «واما»، نشر مجموعة من الصور مع والدته وزوجته وأطفاله معلقاً : كل سنة وأمي طيبة، كل سنة وكل أم في الدنيا وأم أولادي طيبة ، كل سنة وأنتم طيبين.
وأحدثت شيرين رضا ضجة كبيرة، حيث نشرت صورة تذكارية لها وهي طفلة برفقة والدتها وكتبت : أمي وابنتي مصدر قوتي الأساسي، دعمي، حافزي، إلهامي، أنا سعيدة لوجودكما في حياتي، عيد أم سعيد.
كما نشرت دنيا سمير غانم صورة جمعتها بأختها إيمي ووالدتهما دلال عبدالعزيز معلقةً عليها : عيد أم سعيد يا ملكتنا، ربنا يخليكي لينا يا رب.
وأخيراً نشر رامي صبري صورة قديمة جمعته بوالدته معلقاً عليها : كل سنة وكل أمهاتنا بخير وصحةوسعادة.. ربنا يبارك فيهم ويحفظهم من كل شر.
