شهد رمزي تنعى شقيقها صلاح : كنت بتعوضني عن فقدان أبويا ومش عارفة إزاي هكمل من غيرك

عبرت شهد رمزي عن حزنها الشديد على رحيل شقيقها صلاح، والذي رحل عن عالمنا يوم الأربعاء الماضي، بعد تواجده في العناية المركزة لفترة طويلة.

ونشرت شهد فيديو به عدد من الصور التي تجمعها بشقيقها الراحل، عبر حسابها بموقع انستجرام، وعلقت قائلة : أول مرة أبقى مش عارفة أتكلم ولا أقول حاجة وأعبر عن جرح ووجع مزمن.

وتابعت : فراقك مش هيكون أسهل مع الأيام، بالعكس هيكون أصعب بكتير، كل يوم وجودك كان كفاية، كلامك الحلو والله كان كفاية، حبك كان كفاية، كنت الحاجة الوحيدة اللي بتحسسني بالحب اللامحدود.

وأضافت : كنت بتعوضني عن فقدان أبويا، مش قادره أتخيل إني مش هشوفك تاني ولا عارفة أصدق، ولا عارفة هكمل اللي باقي من عمري إزاي من غيرك.

واستكملت : اتولدت لقيتك، وكنا طول عمرنا 4، عمرنا ما هنبقي 3 يا صلاح، هتفضل موجود معايا في كل حاجة، بحبك وبموت فيك وبعشقك، مش عارفة أنام يا صلاح، الابتلاء المره دي أقوى من أي حاجة، والحمدلله على كل حاجة، الحمدلله إني عشت معاك أحلى أيامي وحياتي، الحمدلله إني أختك يا أحلى وأحن وأجمل أخ في الكون، وحشتني أوي أوي أوي.