أغرب لوك .. أسما شريف منير تصدم الجمهور بظهورها حليقة الشعر في مهرجان الدراما
ظهرت أسما شريف منير على السجادة الذهبية بمهرجان القاهرة للدراما، بلوك غريب وصادم للجمهور، حيث ظهرت حليقة الرأس تمامًا.
ووقفت أسما منير أمام الكاميرات لتستعرض اللوك الجديد الذي اعتمدته مؤخرًا، لكنها نصحت الجمهور بعدم تقليدها في هذا الأمر.
وكانت قد نشرت أسما فيديو لها عبر حسابها بموقع إنستجرام، وهي تحلق شعرها بالكامل، وعلقت على الفيديو، قائلة : شعري بقاله فترة بيقع جامد، ده غير إن من كتر العمايل اتحرق، وبقى مش صحي خالص، قررت أنفذ قرار كان بقالي كتير أوي نفسي أخده، أبدأ من جديد، أحرر نفسي، أفتح صفحة جديدة.
وتابعت : حقيقي هو قرار صعب بس حسسني بقوة وتفاؤل، رميت ورايا حاجات كتيرة أوي بمجرد إني شلت شعري، قلبي كان بيدق وبعدها حسيت إني مليانة أدرينالين، خطوة جريئة ومرعبة بس حاسة إني طالعة منها بدرس، عارفة إن في ناس كتير هتهاجمني، بس أنا فارق معايا إحساسي بالراحة اللي أنا حساها دلوقتي، عادي هيطول تاني بس الإحساس ده مش هحسه غير مرة.
